影片
更多
2022-07-02
98 浏览
系一间cafe & bar，位于尖沙咀天文台围，环境静静地几舒服。日头系Cafe，夜晚就变成酒吧，chill爆！为咗配合日夜唔同嘅主题，餐厅装修分咗两个风格，一边系文青Cafe，一边系暗黑系Bar！Menu都分咗日夜，果次拣咗tea time去，试咗个Day menu，有齐轻食、意粉、甜品、咖啡同特饮，仲有好啱打卡嘅tea set，食物高质大份、价钱亦合理！------------------------------🥪◖Cheese and Ham Mille Fille◗ $88呢个爆馅三文治足足有八层火腿咁厚，每一层都夹住芝士，做到拉丝效果！面包烘过，搽咗一层蒜蓉，食落啖啖蒜香，中间仲夹住炸粉同紫菜，香脆有层次！呢个三文治真系好有份量，建议要同朋友一齐share！🥓◖Day n Nite Breakfast◗ $158大大份ADB，材料好丰富，有大啡菇酿芝士、炒蛋、蒜蓉包、烟三文鱼、烟肉肠仔、番茄、牛油果蓉同埋少少生菜。正常发挥，大啡菇好juicy但就唔太够味；个蒜蓉包好香牛油味，好香脆，搽啲牛油果蓉同舖啲烟三文鱼喺面食好满足！🧇◖Waffle with Fruits, Cream
------------------------------
🥪◖Cheese and Ham Mille Fille◗ $88呢个爆馅三文治足足有八层火腿咁厚，每一层都夹住芝士，做到拉丝效果！面包烘过，搽咗一层蒜蓉，食落啖啖蒜香，中间仲夹住炸粉同紫菜，香脆有层次！呢个三文治真系好有份量，建议要同朋友一齐share！
🥓◖Day n Nite Breakfast◗ $158
大大份ADB，材料好丰富，有大啡菇酿芝士、炒蛋、蒜蓉包、烟三文鱼、烟肉肠仔、番茄、牛油果蓉同埋少少生菜。正常发挥，大啡菇好juicy但就唔太够味；个蒜蓉包好香牛油味，好香脆，搽啲牛油果蓉同舖啲烟三文鱼喺面食好满足！
🧇◖Waffle with Fruits, Cream and Ice-cream◗ $128
一上碟真系哇咗一声，真系大份到呢！Waffle即叫即整，一上碟热辣辣外脆内软，充满蛋香，同雪糕食真系冰火交融！有蓝莓、香蕉同士多啤梨伴碟，topping有海量cream、一球朱古力同一球云尼拿雪糕，雪糕味道就一般。可能因为个topping太丰富，个waffle好快就已经淋晒，所以要尽快食！
🍩◖Handbag Tea Set◗ $78
手袋样嘅杯好可爱，打卡一流！有一大壶茶，下面有蜡烛保温，仲有三粒马卡龙，啱晒同朋友吹水慢慢饮！
🌹◖Rose Lychee Soda◗ $48
成杯嘢好pinky好梦幻，有一朵荔枝味嘅玫瑰花冰，唔会话似药水味！荔枝味嘅玫瑰花冰慢慢溶，啲味会慢慢咁出，唔会话饮到尾会比啲冰沟淡晒啲味，反而会越黎越浓！
🍫◖Signature Chocolate (H)◗ $40
外表劲吸引，啲朱古力满到泻晒出黎，仲有海量棉花糖舖面！朱古力浓可可味，唔甜都系靠棉花糖嘅甜味，但稀咗啲，唔太够rich！
Encore指数：9/10
------------------------------
店员好热情，系咁推荐佢哋嘅意粉，好想试但真系冇晒quota，留返下次同朋友再战！好奇望咗一下佢嘅night menu，有啲pasta、main同小食，喺呢个环境饮嘢都几chill，唔会好似bar咁嘈，啱同朋友倾计！下次想happy hour唔洗去诺士佛台，可以黎呢到食个dinner饮返杯嘢！
张贴
