南蛮亭

营业中

休息中

南蛮亭系香港都算元祖日式串烧店，今次就同男朋友试下水准如何。开放式厨房可以睇到师傅点样烧串烧。原来枱上嘅新鲜菜条需要收费 ($22)，真系睇返张单先知。鲜露笋猪肉卷系南蛮特选，薄薄嘅猪肉片包住鲜嫩露笋，可以减低肉类嘅油腻感。芝士翠玉瓜几有惊喜，翠玉瓜香甜多汁，加上烧溶芝士好惹味。每次去串烧店都必点烧牛舌！厚烧牛舌爽口不韧，如果肉味再浓一点就好啦！男朋友点嘅汁烧鸡肝唔系好啱我口味，个人认为苦味太强烈，但佢就好钟意。鸡软骨送来嘅时候仲见到细小嘅气泡，够晒新鲜热辣！咬落香脆有嚼劲，不过细串左少少......烧饭团有明太子、鲑鱼、梅、原味，我拣左明太子。用紫菜包住刚刚烧好嘅饭团，咬落较干身， 明太子味道唔突出。整体串烧质素可以，但价钱稍高，唔算抵食。