初味 (已搬遷) 新店位置

以前經過見到好多次，今日唸住買飯返屋企食嘅途中又經過。睇到佢嘅午市餐牌，一開始以為係一間西餐廳，但原來除咗西餐都幾多嘢食下，仲有鰻魚食，我唸起自己都一年幾無食過鰻魚啦，雖然佢個set對於午餐嚟講價錢都唔算平，要百幾蚊，不過都想過下口癮。蒲燒鰻魚石鍋煲仔飯：鰻魚肥美，無骨。口感唔會太淋，太棉，仲有點“生氣”，呢點做到真係幾好！仲要分量好多，鋪滿一碗，而唔係得幾塊。同埋我食鰻魚飯好唔中意有勁多汁淋係面，我個飯就OK嘅，啲汁都啱啱好。飯都好香口，好食。環境都唔錯嘅，雖然空間係有啲細，不過勝在座位舒服，又幾靜下。、下次會想試下佢啲西餐多啲。