影片
更多
2015-06-10
7053 浏览
日式放题餐厅开到成行成市，但我从来未去过，好大乡里呀！ 有人请，lue饭应啦!餐厅开在楼上，枱与枱之间排得好密，幸好每个坐位不太窄，出入也方便。平日也客满，好彩早嚟。加$18清酒任饮。 一叠叠点菜纸，清清楚楚，任拣任食。饮品我拣咗绿茶和忌廉鲜奶，现成饮品，不过几好味，啱饮。忌廉沟鲜奶好似是上一代饮品㖞，潮流兴怀旧。 外表平平无奇的炒杂菜，份量好多，出奇的好味，唔知有乜秘方。 反而金菇牛肉卷就一般，牛肉味道也不错。田园沙律很清新爽口，食完仲开胃。 裙边带子就一般，都几爽。盐烧鸡翼好香，好热。 盐烧大虾，脆到连壳都食埋，不过大只番啲好㖞。 最搅笑系超迷你蕃薯，上枱唔知系乜，以为上错。两粒串埋一齐。又大乡里啦！我未见过咁细只蕃薯，唔知边度有得卖。唔知系咪细嘅原因，蕃薯特别甜。Encore咗。 火灸海鳗和火灸组长虾，很香鳗鱼酱带甜。 叫咗义烧拉面，唔记得大特写大大嚿的厚切义烧添，拉面有点像意粉，饱肚，仲有好多紫菜。 仲食咗碗好好味的蟹粥，又唔记得影相，蟹粥好多材料，好多蟹羔。 天妇罗通常食虾实无衰，大虾天妇罗，无拣错，不过如果只虾大只啲就更好。哗！哗！哗！有惊喜
餐厅开在楼上，枱与枱之间排得好密，幸好每个坐位不太窄，出入也方便。平日也客满，好彩早嚟。
加$18清酒任饮。
一叠叠点菜纸，清清楚楚，任拣任食。
饮品我拣咗绿茶和忌廉鲜奶，现成饮品，不过几好味，啱饮。忌廉沟鲜奶好似是上一代饮品㖞，潮流兴怀旧。
外表平平无奇的炒杂菜，份量好多，出奇的好味，唔知有乜秘方。 反而金菇牛肉卷就一般，牛肉味道也不错。
田园沙律很清新爽口，食完仲开胃。 裙边带子就一般，都几爽。
盐烧鸡翼好香，好热。
盐烧大虾，脆到连壳都食埋，不过大只番啲好㖞。
最搅笑系超迷你蕃薯，上枱唔知系乜，以为上错。两粒串埋一齐。又大乡里啦！我未见过咁细只蕃薯，唔知边度有得卖。唔知系咪细嘅原因，蕃薯特别甜。Encore咗。
火灸海鳗和火灸组长虾，很香鳗鱼酱带甜。
叫咗义烧拉面，唔记得大特写大大嚿的厚切义烧添，拉面有点像意粉，饱肚，仲有好多紫菜。
仲食咗碗好好味的蟹粥，又唔记得影相，蟹粥好多材料，好多蟹羔。 天妇罗通常食虾实无衰，大虾天妇罗，无拣错，不过如果只虾大只啲就更好。
哗！哗！哗！有惊喜！黄金蝴蝶虾，好好好味，一定要叫，香脆热辣辣！！！
蟹棒天妇罗是蟹柳，无乜特别，不过我种意呀嘛。吓?第一次见香蕉天妇罗，又睇睇系乜东东先，每件约是半只蕉，哈哈，又几好食㖞，甜中带酸，如果只蕉生啲就爽啲。
烧菠萝又系第一次食，大大件，不太酸，好好味。
食净两只鱼生才记起影相。 带子是横切的，细细片，几好味，新鲜。
但也不及组长虾，好甜。超正。 甜品本来想食四方果啫喱，不过卖哂，改了朱古力雪条都几好，唔会太甜。
题外话/补充资料：
好像大约200 大元一位，下次叫多啲人，齐齐摸住酒杯底吹水。
仲有冇影相的炸蚝非常好味，推!！！
(以上食记乃用户个人意见 , 并不代表OpenRice之观点。)
张贴
