肉搏食堂 (已結業)

今日约左朋友嚟试下日式丼同刺身饭，餐厅位于美食云集既尖沙咀厚福街，入面亦坐得几舒服。火炙顶级牛肉配香辣粉虽然加左香辣粉，但食落就一啲都唔辣。薄薄一片既牛肉味道几浓，四成熟，中间呈粉红色。餐汤跟餐加$22会有埋餐汤同饮品。都几大碗，味道浓郁。香煎西班牙黑豚配鹅肝丼鹅肝煎得几香，充满油脂。黑豚肉既份量都几多，配饭一流。牡丹虾三色刺身丼三色刺身分别有三文鱼、带子同埋三文鱼籽，带子大粒得嚟好鲜甜，三文鱼亦好肥美。青瓜青苹果沙冰酸得嚟非常开胃，钟意啲比较fresh 既饮品叫呢杯就啱哂。朱古力曲奇沙冰个杯既公仔表情够哂盏鬼，朱古力味道偏浓。