祥利車仔麵 (創業街)

营业中

休息中

「 祥利车仔面 」系一间喺牛头角新开嘅车仔面店。依间面店嘅装修同一般嘅港式车仔面店唔同，斋睇装修会以为系一间Cafe。面店嘅装修系走日式无印风，简约嘅木系家私，大大面嘅落地玻璃窗，明亮温暖。不过冷气唔系好够，又系开放式厨房，会有啲热。车仔面嘅选择都几丰富，有黑蒜汁、拉面、稻庭乌冬、日式叉烧、秋葵等偏日式嘅食材可以拣。除咗有车仔面，都有饭食。个6格定食好丰富，有猪软骨、醉鸡中翼、萝卜、蚝皇花菇、花胶汤同汤乌冬，卖相几好之余都几好食，尤其个花胶，大大块又厚身，好足料！有个9格嘅定食仲丰富，不过晚市时间先至供应。至于嘢饮就普普通通，有少少淡口。