五要素食堂 (已結業)

同同事行The One，经过三楼呢间”Fifth Element”，见餐厅几有feel，价钱又唔算太贵，餐牌上面嘅日式料理又几吸引，于是就入咗去。我同同事一人叫咗一个丼，我要咗「熟成厚切牛舌丼」加只温泉蛋，同事就要咗个「美国黑毛和牛丼」，而每个餐会跟碗汤同个沙律。牛舌切得比较厚，见到其他食评话嫌佢太厚，不过我觉得系要切到咁厚先至啱啱好，味道浓郁，再加埋个饭嘅酱汁、纸菜同温泉蛋，食落好满足。小食叫咗碟「海苔水牛城鸡翼」，碟鸡翼有只蓝芝士酱点，蓝芝士只味好重，我觉得ok不过就未必人人都接受到，鸡翼辣辣哋不过不失。餐厅除咗日式丼饭，仲有手打意粉同薄饼，呢啲就等下次嚟再试。