御前牛盛日式涮涮鍋 (已結業)

一班朋友咁耐无见，就约咗朋友出黎打边炉聚聚旧。为咗方便同就脚就系旺角揾咗呢间御前牛盛日式涮涮锅黎试下。本来食过牛阵个啲边炉谂住黎黎去去都系咁，点知竟然有惊喜。系食之前，先讲一讲环境方面，地方尚算阔落，大部分都系卡位黎。对比起旺角其他餐厅来讲算唔错。我地一坐底就睇下menu，有鉴于以前成日打边炉食得太重口味见佢有个清淡啲昆布汤底就决定试下。食物同味道方面，个人认为真系唔错。特别值得一赞嘅系各式虾。除咗新鲜之外，最重要嘅系送黎个阵已经无哂谷，最啱钟意食又懒得自己整or 觉得落手好冇仪态嘅朋友。鱼生又够厚同多，又无雪味，而且每次落完order都唔洗等好耐就已经送上黎，唔会要你等。整体来讲系一间令人满意，适合亲朋好友同一家大细黎嘅日式边炉。