在家居酒屋 (已結業)

之前上网见过好想试，今次转登去食。距离大围市中心都有一段距离，如果你行入去大约半个钟。但附近小巴，巴士站好多，交通尚算方便。餐厅分室内外，想同朋友饮野可以拣室内，感觉良好。餐厅座位充足，仲设有Bar 位。始终属于屋邨餐厅，人流唔系十分多，唔需要等位。入到去布局，感觉舒适。今次叫左刺身定食，鳗鱼炒饭，两客寿司同少量串烧。首先刺身定食，个人感觉八爪鱼同油甘鱼刺身好新鲜👍🏻。主食鳗鱼炒饭，价钱可以接受，用料系珍珠米。个人钟意食珍珠米，但整体食落鳗鱼味道被蛋覆盖，炒饭整体唔太突出。至于串烧，牛舌口感可以更烟靭，五花腩荔枝串烧个人认为质素合格。服务态度优质，埋单约$650-700。餐厅整体感觉良好，6.5/10。