幸福班戟 (K11 Musea) (已結業)

原味pancake系我哋每次试新嘢都一定会叫的，虽然幸福pancake响日本食过好多次，但香港都算系第一次，所以都系要试试佢个原味先，另一个谂咗好耐，终于要咗奶茶配自家制縠麦，本来想叫佢个宇治抺茶，但又好似间间都有抺茶无乜特别，加多杯朱古力牛奶咖啡。如果以pancake本身计，虽然都系唔差，但总觉得佢个空气感做得无日本咁出色，始终日本人每件事都较为执著，时间方面会控制得较准确，虽然空气感较重的话，相对会好快缩水，但口感始终系好好多，而且每人一份３件的话，空气感重就无咁滞。幸福pancake个cream做得好滑，令人好想一啖再一啖，配到pancake度啱啱好，正。另外，奶茶酱配自家制谷麦又几惊喜㖞，味道唔太甜，啲谷麦有咬口，不错嘅选择。