霸嗎拉麵 (已搬遷) 新店位置

今日同女朋友喺铜锣湾行完街，两个人心血来潮想食拉面，于是就去咗拉面胜地登龙街觅食。由于我同女朋友都唔系好熟悉呢度嘅拉面铺头，所以就拣咗间都几多人排队嘅拉面，质素一定有保证。虽然好多人排队,但等候嘅时间都唔算好长。今日系闲日，但铺头内都坐满晒，令我同女朋友都好有信心，好期待因间嘅嘢食。呢度环境唔错，唔似其他拉面铺头要坐得好迫，都几啱情侣两个嚟食。我叫左个炙烧豚肉味玉拉面，卖相十分之吸引。几时都话半肥瘦嘅肉系最好食，有咬口得嚟又唔会太过肥腻。块肉分量亦都好足，胃口都算大嘅我食完都觉得饱。而汤底亦都要赞下，浓郁得来同出面啲味精汤底一啲都唔同，不愧系铺头最推介嘅拉面。女朋友叫左鸡叉烧味玉鸡白汤拉面。由于我哋冇见过拉面铺售卖鸡叉烧拉面，所以我哋一开始都惊鸡叉烧会同拉面唔夹。但事实证明，鸡叉烧一啲都唔输蚀比豚肉呀！鸡上面啲炸蒜同鸡配合得天衣无缝，咬落脆脆地，十分之特别。呢个汤底就冇咁浓郁，比较清，但都非常之入味，啱晒啲怕油腻嘅女仔食。我哋仲叫左羽根烧饺子。佢嘅外型十分之有趣吸引，好似片片雪花咁。由于系即叫即煎嘅关系，上枱嘅时候热辣辣即刻食，脆啵啵咁好得意，比起一般饺子好味，口感亦丰富啲。我哋食完之