梵日本焼鳥

营业中

休息中

🐽 日式薯仔沙律薯仔煮得啱啱好，口感绵滑，日本青瓜加埋少少日式美乃滋，味道清爽又唔会太腻。🐽 芝士玉子烧玉子烧煎得好有蛋味，加上啲溶化嘅芝士，入口即溶，咸香味浓郁🐽 日本清鸡汤好开胃，汤底清澈，鸡味浓郁，饮完真系暖在心头🐽 烧鸡系列方面，鸡颈同鸡翼烧得香口，表皮微脆，鸡髀肉就多汁嫩滑。至于免治鸡肉软骨串，咬落去有啲脆感，味道香浓，真系停唔到口🐽 烧和牛肉眼系一大亮点，牛肉油花分布均匀，入口即化，肉味非常浓郁。烧鳗鱼亦都唔输蚀，鱼肉嫩滑，蒲烧酱汁甜而不腻🐽 烧豚肉糖心蛋，蛋黄流心，配埋咸香豚肉，简直系完美配搭。烧豚肉金菇卷，豚肉包住啲金菇，咬落去肉汁同金菇嘅香气互相交融，齿颊留香