Hal's Japanese Restaurant (已搬遷) 新店位置

早知中环、金钟一带揾食艰难，提前两日好枱供3个人用膳，点知琴日一见到张枱，随即惊讶！大多数夜晚先去帮衬 Hal's，未见识佢中午既3人座位，连放晒3份定食盆既空间都唔够！唉，我地都系想坐得正常d啫，都系咁艰难！照例都系去反映问题，睇可唔可以提供另一个枱，两位会讲广东话既一男、一女日本人职员同我讲，三人枱就系咁样！心谂即系无得选择，跟住我宏观一下四周 set 好既3人枱全部都系咁样，心谂同佢拗都系于是无宝，唯有叫老公马上走上紫玉兰睇下有无位，好彩有啫，立即转场，起码坐得正常好多！唔系话佢有呢d规矩唔得，中午所有食肆都争取黄金一小时做多d生意，客人都好明白。但唔系每个客人都知道呢个安排，系咪订位时同客人讲清楚会好d呢？让客人自己选择订唔订枱呢！呢次既经验，真系估唔到呢个情况会系一间日本餐厅出现，真系无孤陋寡闻，新日本既服务精神乎？认真要改善、改善！下次再订日本餐厅，我都会问得一清二楚，免除不必要既麻烦！