影片
更多
2019-01-25
175 浏览
去荃湾打边炉一定非大鸿辉中心莫属啦，最近𠮶度新开咗间相马日式火锅喺21楼，梗系要去试下啦。一入到去已经仿如去咗日本咁，店员热情嘅款待，非常有礼貌，我哋坐低之后，店员好耐心咁介绍每款汤底同埋每款肉嘅选择。呢度都有好多款汤底，清汤、甜豉油、豚骨🐖、中华辣汤、蕃茄🍅、泡菜、牛乳🐄、山盛香菜锅、赤辣豚骨汤底、钟意食蚝就必点嘅广岛蚝土手锅、黑蒜豚骨汤底同埋日本福岗十大必吃美食-牛肠锅🐂。咁多款心思思，真系好难拣，不过唔紧要，呢度可以加钱嗌鸳鸯锅🥘，咁我哋拣咗个黑蒜豚骨汤底同埋好难得先食到嘅日本福岗牛肠锅。牛肉🐂选择方面有4款，价钱都有唔同，最普通嘅有美国进口牛肉，跟住系美国特选牛肉、美国顶级牛小排同埋特上澳洲和牛。我哋拣咗第三级别嘅美国顶级牛小排，仲有埋海鲜放题(蚝、虾🦐、带子)添。另外仲会包埋豚肉同鸡肉🐔，如果想升级食日本鹿儿岛顶级黑豚，加少少钱就食到。美国顶级牛小排好香牛味，雪花纹排列整齐，店员好细心比咗两款我地，一款肥啲，一款瘦啲，正呀！可以试晒两个口感。呢度嘅牛肠锅味道同之前喺福岗食嘅一样咁好味，难得难得。汤底带有少少微辣，非常醒胃，配料有大量韭菜、芽菜、干辣椒等， 味道有啲似胡椒猪肚汤
去荃湾打边炉一定非大鸿辉中心莫属啦，最近𠮶度新开咗间相马日式火锅喺21楼，梗系要去试下啦。
一入到去已经仿如去咗日本咁，店员热情嘅款待，非常有礼貌，我哋坐低之后，店员好耐心咁介绍每款汤底同埋每款肉嘅选择。
呢度都有好多款汤底，清汤、甜豉油、豚骨🐖、中华辣汤、蕃茄🍅、泡菜、牛乳🐄、山盛香菜锅、赤辣豚骨汤底、钟意食蚝就必点嘅广岛蚝土手锅、黑蒜豚骨汤底同埋日本福岗十大必吃美食-牛肠锅🐂。咁多款心思思，真系好难拣，不过唔紧要，呢度可以加钱嗌鸳鸯锅🥘，咁我哋拣咗个黑蒜豚骨汤底同埋好难得先食到嘅日本福岗牛肠锅。
鸡肉
6 浏览
0 赞好
0 留言
豚肉
4 浏览
0 赞好
0 留言
牛肉🐂选择方面有4款，价钱都有唔同，最普通嘅有美国进口牛肉，跟住系美国特选牛肉、美国顶级牛小排同埋特上澳洲和牛。我哋拣咗第三级别嘅美国顶级牛小排，仲有埋海鲜放题(蚝、虾🦐、带子)添。另外仲会包埋豚肉同鸡肉🐔，如果想升级食日本鹿儿岛顶级黑豚，加少少钱就食到。
美国顶级牛小排
16 浏览
0 赞好
0 留言
美国顶级牛小排好香牛味，雪花纹排列整齐，店员好细心比咗两款我地，一款肥啲，一款瘦啲，正呀！可以试晒两个口感。
呢度嘅牛肠锅味道同之前喺福岗食嘅一样咁好味，难得难得。汤底带有少少微辣，非常醒胃，配料有大量韭菜、芽菜、干辣椒等， 味道有啲似胡椒猪肚汤嘅味。另一个汤底我哋拣咗平时比较少见嘅黑蒜豚骨汤底，豚骨汤底就试得多，黑蒜豚骨汤底就真系未试过，佢嘅黑蒜油味都重，味道好香好浓。
海鲜放题
20 浏览
0 赞好
0 留言
海鲜放题嘅蚝、带子同埋虾🦐，全部都好新鲜，啲蚝亦都够晒肥美。
出面嘅自助吧仲有各式各种嘅蔬菜🌽🥒🥕、丸类🍢🍡。饮品嘅选择都唔少，除咗一般汽水之外，仲有啲比较特式嘅韩国罐装饮品。
MILK TOP雪糕
10 浏览
0 赞好
0 留言
大家食完肉记得要留肚，因为仲有雪糕甜品添，呢度嘅雪糕全部都采用MILK TOP雪糕品牌🍨🍧，相当唔简单，仲有4只味选择，北海道牛奶🥛、芝麻、特浓朱古力同埋抹茶，有食开MILK TOP雪糕嘅朋友都应该知， MILK TOP系采用100%北海道出产之日高3.6牛乳🐄作为原材料，所以啲雪糕特别香滑，北海道牛奶味嘅奶味应该系最出，芝麻味同抹茶味都好浓嘅芝麻香同抹茶香，不过我至爱都系特浓朱古力🍫，微微dark chocolate嘅味道，再加上超多嘅朱古力碎，口感相当丰富，真系超好味！
呢度除咗食物质素有保证之外，最impress真系佢哋嘅service，无得顶，宜家除咗酒店之外，真系好少餐厅会有咁好嘅service，个个店员都笑面迎人，又好好礼貌，照顾周到，下次一定要再嚟帮衬呀。
张贴
