渡邊屋

营业中

休息中

九龙城真系太多美食，今晚系九龙城寻找美食既时候，系转角位见到呢间小店，真系小店，因为店内只有5个座位，而且已经坐满，幸好等左一阵好快有位，店内装修简洁，主打食寿司同刺身，而且价钱唔贵，店内鱼生全部由日本直送到港，而且每日都会推出不同既时令美食，真系唔洗飞去日本都可以食到新鲜鱼生。梭子鱼剌身梭子鱼就系日本人春夏季常吃既白身鱼，鱼肉淡雅中带有轻微脂肪感，食落好有口感。三文鱼盛盒有三文鱼、三文鱼腩、火炙三文鱼、辣味三文鱼同三文鱼小卷，三文鱼非常肥美，辣味三文鱼比较特别，辣得来又好香。本鲔寿司盛盒有赤身、中吞拿鱼、大吞拿鱼同葱吞拿鱼腩，大吞拿鱼油脂丰富，入口即溶，中吞拿鱼同赤身亦好鲜甜。火炙寿司盛盒有三文鱼、油甘鱼、带子、左口鱼、鳗鱼、赤虾、原条海鳗，全部都略略炙烧过，炙烧过既鱼系更香，味道更浓郁，全部食材都非常新鲜。