Urban Coffee Roaster (已結業)

去铜锣湾行间大型12蚊店，见隔离有间似家私showroom的coffee shop，入去试下，店员带我地去到近水吧位，见到店内的咖啡机相当专业，呢间日系Café , 见餐牌都多野食，煎肉眼扒配日式青葱牛肉汁$198呢个Rib Eye Steak 有惊喜，份量都大块, 中间半生熟，肉眼扒肉质很嫩滑，肉味都香。松叶蟹肉饭配炸软壳蟹$148上枱见到好大只软壳蟹, 第一次食到软壳蟹都有啖啖肉，除了蟹肉, 还有蟹子、温泉蛋、青瓜丝、沙律酱、葱花连饭一齐食，好多层次。当然唔少得甜品，叫了最多人叫的法式焦煻班戟 ，Cream Brulee Pancake 是我情有独钟的，面层有焦糖脆脆，Pancake是厚身的，不是空气感那种，所以呢只pancake是实芯的，蛋香味浓，都好饱肚。饮品叫了杯Dirty 店员形容系杯唔搅拌的latte，上层系Espresso,一间系奶，饮落味道好复杂，苦苦甜甜，又冻又暖咁，好有趣。再叫杯Chocolate Peru – 70%朱古力浓度$48，口感够滑，朱古力味够醇够香。