理大美食坊

营业中

休息中

自小喺香港長大， 唔會唔習慣急速嘅生活節奏，wok hard 然後 play hard， 將每一分秒用到盡， 追求各自理想的生活， 不過講到"爭奪文化"， 心中只有慨嘆... 香港人多資源少， 好似咩都要同人爭咁， 爭床位生仔, 爭奶粉,爭幼稚園學位,爭中小學名校學位, 爭大學學位, 爭平價機票, 爭荀工,爭上位,爭買樓... 香港人不累的嗎？講咁耐其實係因為望到舊can紅豆包有感而發， 次次喺下午茶時段已買曬，難得有機會拎到最後一個試下。以$5.5 第一個包來說，質素已經不錯，唔會期望一個平價包麵粉質素有幾好， 唔會一pat pat 成口粉就合格啦。紅豆蓉嘅份量都唔少， 一口咬落去麵包同餡料比例差唔多各佔一半， 算係幾滿意， 特別欣賞紅豆蓉都幾滑，又唔太甜， 平平地做下午茶幾好。