影片
更多
2012-08-31
131 浏览
唔系刻意走嚟食下午茶，都喺完咗第三堂崇拜，都成1:30pm，啲教会老友走晒无饭脚，记得表姪女依个时间仲晌太子上紧英文补习班，所以急电佢父母有无时间一齐食个晏，原来啱啱好，表哥表嫂正正就晌太子等佢放学，结果，由佢哋提议食兴发，佢哋话久唔久放完补习班都会嚟依友食，因为1:45pm就有下午茶餐，又真喺比一般茶记早㖞，仲供应到6:30pm添。环境跟一般茶记无异，细圆枱、卡位、面包柜……下午茶餐牌一张A5纸印晒，以港式面包加杯餐饮嘅「精选茶餐」，卖$14-$15；亦有粉面、公仔面、西多、三文治搭杯餐饮嘅「休闲下午茶」，卖$22-$28。表哥提示一句，下午茶份量会细一截，所以建议另外晌「特色粉面饭」餐牌中拣番一款，份量会正常啲，价钱又当然会贵啲啦，要成$40-$55架。生炒鸡丝饭 $27依碟属下午茶餐嘢，好细碟，好迷你吓，一位男性应该都唔够食喇。就咁单睇单一炒饭嘅相，唔觉咁细碟，拍埋个正常份量嘅粉面饭，咁就比较到。虽然份量少、料又稍为少，但个饭炒得都唔错，炒得颇香，而且饭粒几爽，喺油少少啫。干炒猪颈肉河 $27都系下午茶餐嘅选择之一，份量跟上述都喺一样。弃牛用猪，仲喺猪颈肉，多份爽口感，而河粉炒得
环境跟一般茶记无异，细圆枱、卡位、面包柜……下午茶餐牌一张A5纸印晒，以港式面包加杯餐饮嘅「精选茶餐」，卖$14-$15；亦有粉面、公仔面、西多、三文治搭杯餐饮嘅「休闲下午茶」，卖$22-$28。表哥提示一句，下午茶份量会细一截，所以建议另外晌「特色粉面饭」餐牌中拣番一款，份量会正常啲，价钱又当然会贵啲啦，要成$40-$55架。
生炒鸡丝饭 $27依碟属下午茶餐嘢，好细碟，好迷你吓，一位男性应该都唔够食喇。就咁单睇单一炒饭嘅相，唔觉咁细碟，拍埋个正常份量嘅粉面饭，咁就比较到。虽然份量少、料又稍为少，但个饭炒得都唔错，炒得颇香，而且饭粒几爽，喺油少少啫。
干炒猪颈肉河 $27都系下午茶餐嘅选择之一，份量跟上述都喺一样。弃牛用猪，仲喺猪颈肉，多份爽口感，而河粉炒得色泽「匀巡」，仲要包杯嘢饮，廿零蚊货仔算喺咁喇。
石窝菠萝鸡粒炒鸳鸯米饭 $40「特色粉面饭」系列，价钱高一截，所以份量好「正常」，比起个炒饭炒河，可以讲喺多成倍。菠萝鸡粒炒饭唔喺咩特别，就算以石窝上都只喺噱头，反而拣佢喺因为用咗白米红米鸳鸯米嚟做，睇吓咗做法效果如何。小弟家中都有间中食开红米，煮饭时会加少少红米同白米一齐煮，尽可能都会预先浸一晚，今次食到嘅红米比家中所煮嘅稍硬，仲要喺炒添，所以口感唔喺太好，影响咗整体效果，觉得有啲可惜。
奶茶，喺小弟去茶记嘅必然首选餐饮，兴发冲嘅奶茶都几好㖞，既香且滑，饮到杯好嘅奶茶，对一餐饭嘅观感都有住唔少影响架。
间餐厅仲有啲额外优惠，如果惠顾上述嘅「休闲下午茶」，可以以$1.5换购$3.5嘅面包，可惜星期六、日唔得，否则就整多个菠萝包或鸡尾包送埋杯奶茶。此外，仲有个升级优惠，就喺一个月内堂食或外卖累积满$400，就送红豆冰一杯或瑞士卷一条；满$600嘅话，就送海南鸡饭一份或蛋挞一打。好在可以累积计数，而且有成个月时间，摆明希望你长期帮衬，如果住晌附近，食吓早餐、叹吓下午茶、揾几晚嚟开饭，真喺唔难㖞！
张贴
