富園

营业中

休息中

由一开始已经有帮衬，虽然只系收现金有d唔方便，但就觉得茶记黎讲食物质素唔错，中规中矩。一段时间冇黎，今日再黎照旧叫返个沙嗲牛面早餐。牛肉质素差左，比以前韧左，面未渌开已经上枱，炒蛋炒老左，火腿都系大路野，唔算太差，口痕可以一食。食左15分钟左右，有位略胖男侍应已急急脚将食完既碗同碟收走，都唔系咩问题，香港日常。我同太太继续饮埋杯茶饮，太太亦开始清洁牙齿准备戴牙套。然后系剩余5分钟内，该男侍应总共3次催埋单，话出面好多人，但我地仲饮紧杯奶茶，20分钟就催埋单实在太过份，而且我地杯茶饮仲未饮完！老实讲该侍应催埋单算好声好气。但呢个实在唔系做生意应有态度。肉眼睇佢地生意系唔错，平时都有人排下队，我今日黎食早餐都排左5分钟。有时候放假叹个早餐，食物都系其次，志在同朋友屋企人chill下，既然服务态度已经转变，也都唔多加留恋。相信贵铺多我一个客唔多，少我一个客亦都唔少。