西宮 (已結業)

同阿爸补祝返父亲节就黎左食放题，呵呵，自助餐先啱，西宫喺元朗都好一阵，评语好坏差半，都系自己黎试过先知，早段178蚊一位，65岁以上长者全时段都158蚊一位，咁梗系想食平D拣个早啦～呢个价钱真系包罗万有，日本野，西式野，中式野，仲有打边炉，真系唔知食咩先好～餐具望大马路景西式区，有各种火腿冻肉，芝士等。日本野，有寿司，刺身，凉面等。仲有海鲜㗎，青口，虾，鱿鱼，螺，几正的。矶烧，有店员烧埋你食。烧好嘅就可以自己拎黎食。中式区有各种熟食，卤水鸡翼，南乳猪手，炒饭，老火汤，连芝麻糊都有。汽水区，有啤酒任饮！仲有咖啡，茶，柠茶自助。甜品都唔少，前面个雪柜有好多蛋糕仔，后面个雪柜就系雪糕雪条等，正正正。真系好多野食拣，贪心就啱啦。