Youniqueed (已結業)

呢日同friend行完The one想揾间cafe医下肚Chill下，Google map见呢间近近地，于是行过黎睇下。门口个牌几有幽默感，睇真d完来系12点至两点外卖自取咖啡有7折，怪不得不断都有客黎外卖自取咖啡。装修以黑白为主，光线充足，感觉年轻活泼又型格。Menu贴系门口，睇岩食咩先入去，吾洗估估下。餐厅不大，可容纳十余人，不过到处都有打卡位，例如：内有恶厨 。呢杯系Valrhona + Godiva Black Chocolate用呢两款朱古力粉冲，吾洗讲都知可可味实够浓，仲要有埋个咁细致既拉花，好睇又好饮。三重蕃茄鸡胸肉拌螺丝粉酱汁有自然既蕃茄香味，吾似一般西餐厅既意粉酱咁杰身。另外，有不少蕃茄鸡肉同青瓜丝，食落感觉清新，有家既感觉。呢餐感觉都几健康，对于我呢d 168减磅人士黎讲，都完全无罪恶感，起码食完果日无增磅，仲轻左少少添 。环境优闲舒适，有少少复古味。到处都有意思既banner，好有小店既特色。今次无叫到咖啡，同行朋友大赞咖啡有特色，似系自创咖啡，出面应该饮吾到。等我揾日下次行过外卖自取杯咖啡返公司忙里偷闲下 。