女人街食飯公司

营业中

休息中

女人街食饭公司系一间喺旺角嘅楼上大排档，佢哋嘅装修充满香港嘅怀旧特色🇭🇰，一入门口已经见到有对金色嘅凤凰做左右门神🧡🧡，再行入去就见到模仿旧式香港店舖嘅设计，再加埋旧式窗花🪟同警告标语牌📜，好有年代感，好似返咗去六七十年代嘅旧香港，连餐具同埋枱凳都用返大排档款式，喺呢度食嘢真系别有一番风味。🥰🥰🥰黑松露厚虾多士 $84睇相最想试就系呢个招牌菜式😍最啱大家做佐酒前菜。$28/件，最少3件起，多人就唔使谂叫几多碟，一人一件啱啱好😂下层厚多士🍞炸到好松软，外层脆卜卜，双层炸虾好新鲜🍤上面仲加咗黑松露酱好香，系嚟呢度嘅必上菜式👍🏻👍🏻👍🏻凤梨怀旧咕噜肉 $118喺大排档最常嘅一道𩠌，亦都觉得系最考厨师功夫嘅一道菜👨🏻‍🍳咕噜肉炸粉唔厚，咬落去唔会觉得食咗一Pat粉浆，而系有少少脆卜卜之后就食到肉，咕噜酱都调得啱啱好，唔会太酸👍🏻金菇沙茶肥牛煲 $138觉得喺大排档一定要叫返个煲仔菜😂呢个煲落咗好多沙茶酱，一啲都唔孤寒，所以沙茶味好够，金菇同垫底嘅粉丝吸晒沙茶酱汁，送饭一流🍚牛肉质素唔错，咬落好有牛味，一啲都唔硬🐮金鸳鸯蒜粉丝蒸蛏子皇 $96大排档点都要叫返碟海鲜，我呢个贝壳精🐚今次叫咗蛏子皇。