魚事者 (鴻達樓) (已結業)

今日係農曆年前最後一個工作天，公司見大家都趕返屋企食團年飯所以提早收爐🥰🥰我就去左旺角掃街🤣之前去過炮台山分店食過好正，今晚試埋旺角分店啦💯🌟黃金魚彈彈 ($50)我就揀左佢地既湯麵，個名好得意叫做黃金魚彈彈😚用上魚型既芝士魚糕同埋一粒巨型魚蛋，兩款口感都超彈牙，湯底夠哂清甜，配埋魚麵就剛剛好👍🏻👍🏻👍🏻🌟炸魚無薯條 ($33)推介大家試下佢地既小食炸魚無薯條，炸到金黃色好香脆，食落係啖啖魚肉，口感比普通炸薯條更輕盈，建議加配埋佢地既黑松露醬就更加好食啦👍🏻👍🏻👍🏻🌟夏菊羅漢果茶 (跟餐+$10)套餐可以加$10配埋佢地既樽裝涼茶，我就揀左夏菊羅漢果茶，甜度適中透心涼😍