影片
更多
2021-07-02
666 浏览
一班朋友聚会，想坐得舒服慢慢倾，又或者玩下Board Games，楼上Café系不二之选。朋友拣左旺角新城嘅【Nardo’s Café】，喺大街好近信和中心，地点便利相当易揾。Café占8楼全层，空间感十足，门口有巨型胡桃夹子公仔迎宾。店内用红白色做主调，有多盏水晶吊灯，华丽之中富活力。墙身吊柜放左好多玩具同手办模型，入口层架装满各式游戏Board Games，可见店主都系爱玩之人。餐牌选择丰富，晚市除左意粉/意大利饭套餐，仲有多款小食、炸物、沙律同蛋糕。饮品方面有果味红茶/绿茶、梳打、特饮，仲有咖啡、奶昔/沙冰。注重养生嘅朋友，亦可选热饮生姜/红枣/柚子蜜或以玻璃壶奉上嘅果茶/花茶。特式小食拼盘 ($158)小食拼盘有6款炸物，包括:鸡翼、日式饺子、麦乐鸡、杂菜春卷、咖哩角各4件，仲有辣味薯角，大大一篮够晒4个人分享。拼盘即叫即炸，上枱时热辣香脆，干爽唔油腻。麦乐鸡加左蜜糖，甜甜地出奇地好味。特浓芝士薯条($82)粗身波浪薯条炸到金黄色，芝士酱加左白汁，质感滑顺，味浓而唔会过咸。部份薯条虽被芝士酱弄得软淋，但趁热食刚好夹杂脆同淋嘅双重口感，美味不减。酱汁上面仲洒满香草同炸蒜粒，味道更
Café占8楼全层，空间感十足，门口有巨型胡桃夹子公仔迎宾。
店内用红白色做主调，有多盏水晶吊灯，华丽之中富活力。
墙身吊柜放左好多玩具同手办模型，入口层架装满各式游戏Board Games，可见店主都系爱玩之人。
餐牌选择丰富，晚市除左意粉/意大利饭套餐，仲有多款小食、炸物、沙律同蛋糕。
饮品方面有果味红茶/绿茶、梳打、特饮，仲有咖啡、奶昔/沙冰。注重养生嘅朋友，亦可选热饮生姜/红枣/柚子蜜或以玻璃壶奉上嘅果茶/花茶。
特式小食拼盘 ($158)小食拼盘有6款炸物，包括:鸡翼、日式饺子、麦乐鸡、杂菜春卷、咖哩角各4件，仲有辣味薯角，大大一篮够晒4个人分享。拼盘即叫即炸，上枱时热辣香脆，干爽唔油腻。麦乐鸡加左蜜糖，甜甜地出奇地好味。
特浓芝士薯条($82)粗身波浪薯条炸到金黄色，芝士酱加左白汁，质感滑顺，味浓而唔会过咸。部份薯条虽被芝士酱弄得软淋，但趁热食刚好夹杂脆同淋嘅双重口感，美味不减。酱汁上面仲洒满香草同炸蒜粒，味道更有层次感。
挪威烟三文鱼沙律 ($148)食左好多炸物，点个沙律中和一下就啱啱好。"挪威烟三文鱼沙律"份量巨型，三文鱼色泽鲜艳，卷成巨型玫瑰花，卖相好吸睛。食落口感肥美丰满带咸香，沙律菜新鲜爽脆，加埋车厘茄同醒胃酱汁，健康又好食。
纽约芝士饼 ($27) 特浓朱古力蛋糕($27)甜品叫左蛋糕，切饼比一般Café大，Size可以媲美连锁咖啡店不过价钱就平好多。"纽约芝士饼"质地挺身结实有奶香，正宗美式风味。"特浓朱古力蛋糕"有2层厚厚嘅Mousse，食落丝柔幼滑，朱古力味浓得嚟唔会太甜，令人回味。
芒果奶昔 ($55) Oreo 朱古力曲奇奶昔 ($58)饮品点左2杯奶昔，用啤酒Mug装，大大杯可以饮足成晚。奶昔打得好细滑饮落冇碎冰。"芒果奶昔"冰凉顺滑有芒果香。"朱古力曲奇奶昔"每一啖都充满Oreo曲奇碎，邪恶但又令人难以抗拒。
张贴
