河內越式料理 (西洋菜南街)

营业中

休息中

❤︎︎河内越式料理❤︎︎尖沙咀分店我成日帮衬，佢价钱合理，我成日lunch同同事一齐食😋旺角区呢间就第一次，店内装修简约舒服。今日一个普通嘅星期四都full晒场。我当然食返我至爱😋生牛肉汤河，大大碗，汤底清而够味，记得落埋佢跟嘅青柠，同埋我会加埋佢枱面支酸辣汁，酸酸辣辣好开胃👍🏻我老公就叫左越式咖喱牛腩饭，牛腩肉质软滑而不韧，入口松化有淡淡咖喱香味。越式猪颈肉😋大大碟，弹牙爽口。椰汁冰跟餐都只系加$10，我饮柠檬蜜糖姜茶就加$5。