肉浦團火鍋放題

营业中

休息中

今晚心血来潮想打边炉，正在旺角，揾到呢间肉浦团火锅放题，睇menu 几正价钱又合理就去了，可能因为天热关系，吾算等好耐就有得食了。佢有3 款价钱可以拣，menu 上愈贵就愈多野食，不过我拣set b都已经好够了，想食豪d拣set c价钱都不是贵，仲有自助区都好多野食拣，各种丸类肠类，菜丫，菇，牛拍叶，猪红，玉子豆腐等，仲有熟食就有薯条，咖哩角，冷盘青瓜，云耳，仲有糖水木瓜西米露都有，正啊。我地拣左醉鸡汤底，欣赏佢上炉时仲另外有一锅仔花雕酒，话可以比我地自己加多d落去。肉类就系自己scan qr code点的，质素劲高，喜欢佢每碟仲会加返个纸仔写系乜肉，因为有时一次过点，到上碟时搞吾清，佢有纸仔就吾怕了，好食可以再睇住嚟嗌，very good😃推荐薄切封门柳，牛味浓，而且肥瘦适中，脂肪分布好，睇样都知新鲜靓货，另外特别的仲有牛骨髓，都系第一次食，仲有少有嘅鸡子，朋友很喜欢，海鲜就虾是要赞的，大大只又新鲜弹牙，吾错。整体价钱，环境，服务都好，食物质素更好，会带朋友再来。