影片
更多
2022-05-18
118 浏览
晚市重开后经常出街食饭，又火锅又烧肉，所以近日想食清淡少少，粉面类就岩晒啦！今晚同朋友去开旺角，经过呢间 「 乐园鱼旦专家 」，睇到门外餐牌有粉面饭而且内里环境光线充足、整齐干净，地方大唔会逼夹，一于就喺呢度食嘢啦！呢度叫得鱼蛋专家，当然要试吓佢啲鱼蛋，但我贪心啲要试晒四款丸！《 乐园四宝丸 配河粉 $45 》+ $5 紫菜 有黄金片头、鱼蛋、墨鱼丸、鱼皮饺同牛丸。黄金片头同鱼旦都爽弹，鱼皮饺啲皮烟韧，咬开唔会油笠笠，牛丸爽口，墨鱼丸口感唔会粉。汤底清香，唔会令人好颈渴。紫菜洗得干净唔会有沙。《 金牌猪手 配米粉 $36 》猪手炆得好够腍，猪皮爽弹好有胶质感，啲肉都嫩腍易离骨。朋友钟意食辣，所以佢加咗辣酱，连埋啲汤变得少少辣，佢话几惹味。两杯 《冻柠茶少甜 $8 x2 》 都抵饮。喺旺角30几蚊就有碗粉面，都算几抵食，而且比一般粉面店坐得舒服，下次再嚟。
晚市重开后经常出街食饭，又火锅又烧肉，所以近日想食清淡少少，粉面类就岩晒啦！
今晚同朋友去开旺角，经过呢间 「 乐园鱼旦专家 」，睇到门外餐牌有粉面饭
而且内里环境光线充足、整齐干净，地方大唔会逼夹，一于就喺呢度食嘢啦！
呢度叫得鱼蛋专家，当然要试吓佢啲鱼蛋，但我贪心啲要试晒四款丸！
《 乐园四宝丸 配河粉 $45 》+ $5 紫菜
有黄金片头、鱼蛋、墨鱼丸、鱼皮饺同牛丸。黄金片头同鱼旦都爽弹，鱼皮饺啲皮烟韧，咬开唔会油笠笠，牛丸爽口，墨鱼丸口感唔会粉。
汤底清香，唔会令人好颈渴。紫菜洗得干净唔会有沙。
《 金牌猪手 配米粉 $36 》
猪手炆得好够腍，猪皮爽弹好有胶质感，啲肉都嫩腍易离骨。
朋友钟意食辣，所以佢加咗辣酱，连埋啲汤变得少少辣，佢话几惹味。
两杯 《冻柠茶少甜 $8 x2 》 都抵饮。
喺旺角30几蚊就有碗粉面，都算几抵食，而且比一般粉面店坐得舒服，下次再嚟。
张贴
