LAB10 (裝修中)

其实平时甚少食韩式烧肉，不过经常喺朗豪坊行过见到呢间以实验室主题为装修嘅烧肉店觉得几特别同吸引，上网睇原来更加标榜「无烟韩烧」，唔怕食完会好大浸烧肉味。店内以放题形式供应烧肉，设有不同价位选择，丰俭由人。🌟sᴜᴘʀᴇᴍᴇ ʙ sᴇᴛ $298呢个价钱已经包咗猪牛鸡肉，仲有自助区加无酒精饮品。用QR code自助下单，限时90分钟但上菜速度很快，唔使担心食得好赶。-自助区主要摆放沙律、前菜、蔬菜、炸物、甜点两款，有棉花糖同布朗尼。个人最喜欢加咗蟹柳丝、青瓜丝、蟹籽的椰菜丝沙律，够晒丰富，口感清新又可以解解腻。肉类方面首先会有个牛拼盘，包含咗各款不同部位嘅牛肉，例如有安格斯牛板腱、牛肩肉、牛脊肉、一口牛、厚切牛舌等。当中个人最喜欢韩式梨汁牛五花，口感软嫩又唔会太肥，薄切关系烧两烧好快食得。海鲜方面有广岛蚝、蚬、虎虾、鱿鱼，虽然选择唔多但系质素都唔错。饮品方面除咗可乐仲可以选择唔同口味梳打，例如有士多啤梨、青柠、青苹果、热情果、菠萝，也贴心地设有少冰少甜选项。