御．八幡屋日本料理 (已結業)

御·八幡屋 终于放工啦，呢日约埋朋友去到位于旺角兆万中心放题餐厅，我知道最近新推出左矶烧放题，一于来试试佢。寄销拼盘包括鲍鱼、北海道烧蟹盖、大赤虾及扇贝，而无限任叫嘅就有蛏子、海虾、贝壳生蚝同埋青口。我最喜欢食鲍鱼同埋大赤虾，自己加小小盐去调味，鲜味十足，够晒吸引。另外我哋都叫咗天妇罗，炸虾天妇罗层炸浆唔会太厚，啱啱好，热辣辣好正！另外仲有北海道烧带子，系用锡纸兜装住，上面有劲多芝士，仲加左啲沙律酱系入边，非常滋味。另外我哋仲叫咗啲串烧，有大葱豚肉串同埋汁烧墨鱼咀等，调味啱啱好，唔错。日式牛肉锅估唔到都几足料，有劲多牛肉，配上生鸡蛋一只，令口感更嫩更滑，而且汤底系寿喜烧嘅汤底，甜甜的，非常惹味。最后仲叫咗甜品，有杨枝甘露同埋樱花奶冻，仲可以任食雪糕雪条等，真系好满足。