新記冰室 (已結業)

响旺角充满美食既地方，想简简单单食餐晚饭其实唔难，不过如果想坐得舒服又食得满足既话，新记冰室绝对系其中1个好选择。一坐低睇到餐单，可选择食物唔算太多，但胜在种类繁多，点都会有款岩食﹗黎到新记冰室就当然试下佢地最出名既芝士捞面啦﹗以下就系食好D推介：𝟙. 卜卜蚬汤日式乌冬 $𝟞𝟘 𝟚. 芝士汁猪颈肉煎蛋捞公仔面 $𝟝𝟠 𝟛. 芝士牛肉饺 $𝟜𝟚钟意食海鲜嘅人，见到卜卜蚬唔洗谂，系冰塞见到蚬汤必食。个汤底劲清甜，奶白色，好似落左奶油咁香咁甜，好香蚬同红萝卜椰菜嘅甜味。我忍唔住饮左半碗汤。想食得清清地真系可以考虑下。芝士捞公仔面都十级邪恶，芝士好似唔洗钱咁，舖完成个碟，真系系啖啖芝士面，加埋太阳蛋嘅蛋黄，个面好香浓。猪颈肉就普通，无咩特别太多调味料，主要食个芝士味。至于芝士牛肉饺，个牛肉味似台湾红烧牛肉咁浓，多少少饺子醋同辣嘅调味，第一啖入口较普通，但食到口中越咬味道越浓，食完牛肉味仲停留系个口中！好有惊喜，值得一试~