影片
更多
2020-07-30
362 浏览
前菜要左炸芝士條有六條，食指嘅長度。拉到絲嘅芝士。恨食好耐但太貴都冇機會食。有兩個醬，一個係辣辣地嘅蕃茄醬，夾埋芝士一齊食好似食pizza咁，味道好夾。另外一個係甜嘅草莓醬，有果肉，食落酸酸地。同芝士又係另一種嘅夾，甜中帶咸咁，幾得意。另外要左嗰豬手（＄140）之前食過一次覺得唔錯，可能係轉左手，今次食有啲失望。 切好左比你，方便食用。佢冇咗平時豬手應該有嘅酸菜所以食落有啲膩。豬手實在太過咸，如果送酒嘅話可能啱啱好，但我地冇叫就咁食就有啲頂唔順。甜品就要左homamade chocolate cake（＄52），以為又蛋糕又雪糕會扺食啲，點知蛋糕似嘉頓嘅片裝朱古力蛋糕，雲呢拿味重過朱古力味；雪糕係雲呢拿味都香嘅，但感覺都係雀巢貨色。環境較暗，但幾有feel，仲去左中環酒吧咁，但由於佢係open bar坐喺出面嘅人食煙，啲煙係會飄入室內，感覺上就唔係咁好啦。 值得一讚嘅係侍應服務態度好，夠熱情。另外要左杯baileys milkshake ，酒味有啲淡，太多冰，一般。
另外要左嗰豬手（＄140）之前食過一次覺得唔錯，可能係轉左手，今次食有啲失望。 切好左比你，方便食用。佢冇咗平時豬手應該有嘅酸菜所以食落有啲膩。豬手實在太過咸，如果送酒嘅話可能啱啱好，但我地冇叫就咁食就有啲頂唔順。
甜品就要左homamade chocolate cake（＄52），以為又蛋糕又雪糕會扺食啲，點知蛋糕似嘉頓嘅片裝朱古力蛋糕，雲呢拿味重過朱古力味；雪糕係雲呢拿味都香嘅，但感覺都係雀巢貨色。
環境較暗，但幾有feel，仲去左中環酒吧咁，但由於佢係open bar坐喺出面嘅人食煙，啲煙係會飄入室內，感覺上就唔係咁好啦。 值得一讚嘅係侍應服務態度好，夠熱情。
另外要左杯baileys milkshake ，酒味有啲淡，太多冰，一般。
张贴
