影片
更多
2023-03-27
8 浏览
黑布街平时比较静同少人，经过见到呢间舖装修劲型格，好有外国style！以 HIPHOP 文化为主题嘅汉堡包店，店内播放唔同国家嘅 HIPHOP 音乐，并有多幅香港涂鸦艺术家 UNCLE 创作嘅 GRAFFITI，以及美式街头风格装置！入面用左滑板场嘅元素再加涂鸦，劲型劲有街头风格，系酒吧xBurger！日头饮咖啡，夜晚有特色调酒饮，汉堡全日都有得食，真心好正！嘢食都唔贵，最平$45有个burger，加$18有set连薯条嘢饮，真平民价钱，重点系真心好食同有诚意💞🍔滋味粒粒巨虾堡 $90 另收加一 (7.8/10)面包有煎香过甜甜哋，好松软，好有牛油香，虾堡系即叫即炸，食到一粒粒虾肉，比较咸香，肉质有弹性，几唔错！🍔 贫民窟大魔王汉堡 $110 另收加一 (8.5/10)入边有薯饼烟肉两层牛肉饼再加洋葱芝士，真系好厚，食落去牛肉系手打肉质比较松散有肉汁，有牛肉嘅香味，加埋洋葱好香口，好面，薯饼同烟肉系更加丰富咗成个包嘅层次，增加左香脆咸香嘅口感，真心好食。🦑吉列鱿鱼圈 $68 另收加一 (8.5/10)鱿鱼圈即叫即炸，炸粉后到啱啱好，入面系新鲜嘅鱿鱼，食得出鱿鱼嘅香味，加埋茄汁就真系好滋
以 HIPHOP 文化为主题嘅汉堡包店，店内播放唔同国家嘅 HIPHOP 音乐，并有多幅香港涂鸦艺术家 UNCLE 创作嘅 GRAFFITI，以及美式街头风格装置！入面用左滑板场嘅元素再加涂鸦，劲型劲有街头风格，系酒吧xBurger！日头饮咖啡，夜晚有特色调酒饮，汉堡全日都有得食，真心好正！
嘢食都唔贵，最平$45有个burger，加$18有set连薯条嘢饮，真平民价钱，重点系真心好食同有诚意💞
🍔滋味粒粒巨虾堡 $90 另收加一 (7.8/10)
面包有煎香过甜甜哋，好松软，好有牛油香，虾堡系即叫即炸，食到一粒粒虾肉，比较咸香，肉质有弹性，几唔错！
🍔 贫民窟大魔王汉堡 $110 另收加一 (8.5/10)
入边有薯饼烟肉两层牛肉饼再加洋葱芝士，真系好厚，食落去牛肉系手打肉质比较松散有肉汁，有牛肉嘅香味，加埋洋葱好香口，好面，薯饼同烟肉系更加丰富咗成个包嘅层次，增加左香脆咸香嘅口感，真心好食。
🦑吉列鱿鱼圈 $68 另收加一 (8.5/10)
鱿鱼圈即叫即炸，炸粉后到啱啱好，入面系新鲜嘅鱿鱼，食得出鱿鱼嘅香味，加埋茄汁就真系好滋味！
🍴 水牛鸡翼 $78 另收加一(7.5/10)
鸡翼有炸香过，食落去酸酸辣辣，辣嘅味道都几出，佢陪咗个蓝芝士酱汁，淡淡嘅芝士香味，添加左咸香浓厚嘅香味！
🍓士多啤梨奶昔 $48 另收加一 (7/10)
奶昔不嬲都系邪恶之选🥤士多啤梨味几香，唔会太甜，食到少少士多啤梨籽。
🥭芒果奶昔 $48 另收加一 (7/10)
芒果味都几香，不过比较淡。
推荐指数: 8.5/10
旺角好就脚，型格打卡饮嘢都得，支持下诚意小店🫶🏻😆
张贴
