Amplifier Restaurant (花園街) (已結業)

经常都会喺花园街附近揾吓有咩食或者买台式饮品，然后视觉向上唔难发现呢间西餐厅，Amplifier Restaurant走工业风路线，环境十分有格调。餐牌上比较值得一提嘅系餐厅系有handmade pizza，菜式名以吾同国家命名，颇有趣味。另外仲有signature dish for 2-4人食中式乳猪吾系成日食，原来西班牙菜都可以食乳猪😆每一件烧乳猪上面都有无花果，卖相精致之余又带有解腻作用。乳猪肥瘦肉部分均匀，就算系肥肉部分亦吾系比人感觉非常油腻👍🏼沾上芥末酱微微辣够惹味💛每块底部亦有玉米脆片🌽爽脆可口。跟住叫咗个水牛城鸡翼，有分5只/ 8只/ 10只，我同朋友两个人叫5只。鸡翼蕃茄酱味非常明显，酸酸甜甜，辣味就反而吾算明显，啖啖肉整体好味。黑松露控不能错过的🖤黑松露野菌意大利饭，黑松露味好明显，香气十足，野菌数量好多，成个饭都好creamy。炭烤美国猪斧头扒，冇个猪字一定以为系牛扒😆搭配红酒汁、焦糖苹果，猪斧头扒猪肉口感偏向实在🙊焦糖苹果甜甜哋同猪扒match。最后试甜品tiramisu，朱古力粉喺表面，食到中间就试到淡淡咖啡味加湿润蛋糕层，侧边水果香甜。