丼燃食堂

营业中

休息中

靓靓打卡丼饭！之前喺网上见到好多人介绍呢间食堂，有好多款人气丼饭。午市定价比较亲民，性价比唔错。靓啲、比较高人气嘅丼饭就可能贵少少，今次我哋两款都试吓，其实午市同主餐牌嘅丼饭都好好味，个人会钟意价钱抵啲嘅。虎燃丼$68- 入面有三文鱼、蟹棒、虾同埋蟹籽，我拣咗火炙同埋明太子酱。丼饭暖暖地，味道偏酸，同明太子酱加埋鱼生都好夹，分量合理，火炙之后更加香。推介！乜蟹都有丼$138- 打卡一流兼且材料丰富，有蟹盖、蟹钳、蟹棒、蟹籽、蟹肉、蟹膏，朋友拣咗海胆酱，佢话酱汁同蟹味唔会抢咗大家嘅风头，都几好味。蟹盖用嚟打卡为主，入面好干净冇嘢食嘅。如果budget够嘅话，呢个蟹饭都会满足到钟意食蟹嘅朋友。桂花冷泡茶$10- 茶味偏涩，盖过咗桂花香味。