仁芝初

营业中

休息中

今日喺旺角食完晚飯之後想食個糖水，搵到位於旺角通菜街，OK便利店附近嘅一間糖水舖。見到隔離兩台都點咗凍楊枝甘露$44，好耐冇食我又點咗碗試吓，質地都偏向傑身，入面有西米、西柚同埋芒果。啲芒果切到大大粒幾甜，西柚最正，夠晒新鮮又爽口，成本嘅感覺係甜中帶酸，但係又唔會好甜嗰種。之後重點咗兩個外賣。凍冰花燉蛋$35好濃郁嘅蛋味，同樣都係唔會太甜，入口嫩滑。古法養顏燉桃膠$44呢個滋潤糖水女性必點啊，入面有桃膠＋桂圓＋杞子＋紅棗。而且個糖水又唔會過甜，啱晒怕肥嘅朋友呀。