Coffee Break (鴻輝大廈)

营业中

休息中

第一个上嘅系精选餐汤，浓郁的南瓜汤入口即化，刺激完个味蕾，准备大快朵颐。跟住我哋拣嘅白酒番茄青口就到啦～配埋香脆嘅香草包，好夹。而啲青口新鲜弹牙，海鲜味与番茄配料互相配合，调味适中，唔会好咸，好食😋来到重头戏，香煎美国安格斯肉眼扒，一上碟已经闻到好香肉味，旁边嘅配菜吸尽肉汁，香浓薯块又香又软。五成熟的牛排软硬适中，肉质鲜嫩多汁，但肉嘅表面系煎香嘅，所以真系外焦内软，亦都唔会话好多筋，难切或者难咬。而且仲有蔬菜杂锦伴碟，食得好味又健康而龙虾汁海鲜意粉则是弹牙的虾球，搭配上挂满酱汁嘅意粉😝，好食！而甜品系佢哋自家制嘅提拉米苏，超级好食🤤，甜度适中，即使食咗好多嘢，都唔会觉得甜腻二人餐的份量非常足够，食到好满足。同朋友喺晚膳时间去食，倾住计咁慢慢食，店员都唔会话催我哋，餐厅环境偏安静，有流行嘅背景音乐，几舒服。