影片
更多
2021-04-26
3240 浏览
早排穷L帮主P先生生日，有朋友C小姐相约安排生日饭局，地点就拣咗大家都近嘅旺角区兼啱啱由L'Hotel改咗名做Nina Hotel旗下旺角荟贤居(Lodgewood by Nina Hospitality) 嘅Canton Pot，自限聚令，已经好耐无打过边炉，虽然依家有返晩市堂食(只可去到晚上10点)，但只限4人，第4位朋友就系K先生，C小姐就booked咗一间细VIP房，回想当年响呢度打边炉，我哋系成8个10个一齐，成枱嘢食先够震撼，唔知几时先可以一大班朋友坐埋一齐食饭。人未到齐，先点咗一壶竹蔗茅根水同一壶洛神花茶，竹蔗茅根水清甜解渴，而洛神花茶我就无饮到，之后仲叫咗枝Estrella Damm Inedit嘅啤酒，由穷L帮主自己一个队哂，不过仍然戒紧酒嘅我就当然无饮；未点汤底前先混一混酱，有2行共12款酱料，其中一行有葱花、蒜蓉、豆瓣酱、日式胡麻酱、金蒜粒同鲜洋葱粒，另一行就有指天椒、廖孖记腐乳、自家制麻辣酱、花生酱、潮州辣椒油、同自家制沙爹酱，另外再叫服务员攞最近市场上人气急升嘅食材：芫茜，无芫茜点打边炉呀？汤底就点咗花胶炖响螺汤拼韩牛肋骨汤，牛就有点咗本地新鲜牛颈脊、美国顶级
早排穷L帮主P先生生日，有朋友C小姐相约安排生日饭局，地点就拣咗大家都近嘅旺角区兼啱啱由L'Hotel改咗名做Nina Hotel旗下旺角荟贤居(Lodgewood by Nina Hospitality) 嘅Canton Pot，自限聚令，已经好耐无打过边炉，虽然依家有返晩市堂食(只可去到晚上10点)，但只限4人，第4位朋友就系K先生，C小姐就booked咗一间细VIP房，回想当年响呢度打边炉，我哋系成8个10个一齐，成枱嘢食先够震撼，唔知几时先可以一大班朋友坐埋一齐食饭。
人未到齐，先点咗一壶竹蔗茅根水同一壶洛神花茶，竹蔗茅根水清甜解渴，而洛神花茶我就无饮到，之后仲叫咗枝Estrella Damm Inedit嘅啤酒，由穷L帮主自己一个队哂，不过仍然戒紧酒嘅我就当然无饮；未点汤底前先混一混酱，有2行共12款酱料，其中一行有葱花、蒜蓉、豆瓣酱、日式胡麻酱、金蒜粒同鲜洋葱粒，另一行就有指天椒、廖孖记腐乳、自家制麻辣酱、花生酱、潮州辣椒油、同自家制沙爹酱，另外再叫服务员攞最近市场上人气急升嘅食材：芫茜，无芫茜点打边炉呀？
汤底就点咗花胶炖响螺汤拼韩牛肋骨汤，牛就有点咗本地新鲜牛颈脊、美国顶级无骨牛肋片同骟牯黄牛吊龙，猪就有西班牙橡果黑豚肉，海鲜就有海中虾，仲有四宝丸、精选饺子拼盘、响铃卷、酥炸鱼皮，蔬菜就点咗皇帝菜、有机菠菜同山药，最尾加咗一客三色面拼盘。
芫茜牛肉
14 浏览
0 赞好
0 留言
汤底一滚，率先饮咗花胶炖响螺汤，汤头清甜、花胶嫩滑，人越嚟越大，就要补一补；再食埋另一边汤底嘅牛肋骨，肉质细嫩，够哂入味，真系一分钱一分货。
美国顶级无骨牛肋片
$99
20 浏览
0 赞好
0 留言
骟牯黄牛吊龙
$184
19 浏览
0 赞好
0 留言
食咗3款牛，本地新鲜牛颈脊、美国顶级无骨牛肋片同骟牯黄牛吊龙，牛颈脊系牛颈位下横膈膜后嘅部位，肉质鲜嫩爽滑，肉味浓郁；牛肋片肩腹肉后方嘅部位，油花均匀，肉质嚼劲；吊龙，牛嘅两边腰脊肉，又叫肉眼边，油脂丰富，香滑可口。
西班牙橡果黑豚肉
$258
17 浏览
1 赞好
0 留言
海中虾
$149
17 浏览
0 赞好
0 留言
西班牙橡果黑豚肉，系食橡果嘅猪，令到猪肉带有独特嘅榛子芳香，味清不燥；海中虾上枱时仲识郁，非常新鲜，肉质弹牙鲜甜。
四宝丸
$98
7 浏览
0 赞好
0 留言
四宝丸有鲮鱼球丸、猪肉丸、虾丸同墨鱼丸，全部都自家制，肉嫩弹牙，我较为钟意系虾丸同墨鱼丸；而精选饺子拼盘有羊肚菌豚肉饺、海皇饺同泡菜野菌饺，喜欢食饺子嘅我，皮薄馅鲜，全部都好食，我比较钟意嘅系羊肚菌豚肉饺，里面馅料足又够多汁。
山药
$58
7 浏览
0 赞好
0 留言
另外响铃卷同酥炸鱼皮，响铃卷新鲜即炸，一上枱已可即食，热辣辣酥脆香口；酥炸鱼皮一样脆香惹味；而蔬菜我只食了山药同有机菠菜，山药健脾补肺，仲要唔系咁多火锅有得食，想食爽脆嘅山药就唔好渌咁耐，而渌耐啲就会有粉嘅质感，视乎自己想食爽定粉；有机菠菜健康又爽甜。
三色面拼盘，有荞麦面、菠菜面同虾籽面
$58
15 浏览
0 赞好
0 留言
最后追加咗一客三色面拼盘，有荞麦面、菠菜面同虾籽面，单看面嘅干爽程度已经觉得啲面好食，全部面都爽口弹牙，我就比较钟意虾籽面，可清楚食到虾籽嘅咸香味，基本上我真系好钟意食面，可以一日5餐都食面。
拿破仑蛋糕
11 浏览
0 赞好
0 留言
已经非常饱，想点甜品/糖水之时，争啲忘记咗仲有穷L帮主嘅生日蛋糕，好彩截得切啲糖水，唔系就浪费，生日蛋糕系芒果拿破仑，芒果鲜甜，千层酥皮仍然酥香松化，吉士酱质地浓厚，甜度适中，穷L帮主P，生日快乐。
张贴
