明星皇宮

营业中

休息中

今日系农历八月十五中秋节，决定去酒楼做节，订咗枱话八点先有，酒楼7点打嚟话有枱，急不及待出发，酒楼满座，但没有以前逼人。先点半席六人餐，再加片皮鸭两食。片皮鸭系热皮脆，么么皮就有啲厚仲有啲硬，个个剩系食只鸭，当烧鸭食都ok,系二百几蚊唔多抵。凉瓜鸭件，凉瓜味甘甜，鸭件有啲老，酱汁适中几好味。北菇鹅掌，鹅掌大大只，北菇又大大只，菇就无乜香味，生菜底丰厚。上汤虾球伊面，虾球爽脆有虾味，伊面份量好多。吉列虾配沙律，吉列虾大大只，不过粉就好厚，炸得香脆还可以。清蒸沙巴龙趸，条鱼好大条超过两斤，火喉啱啱好，新鲜嫩滑，。整体味道唔错，份量比以往大好多，最后食唔晒要打包走