影片
更多
2017-10-10
1110 浏览
西环自从有左铁路后，都开左好多好吸引嘅食店，不论系甜品、咖啡店、台湾菜等，所以即使有时山长水远都要去试下，如果食到好西，远少少都觉得值得的。之前已经去过附近一间台湾菜，觉得好啱口味，成日想心思思回头，但因为上次见到旁边有间「一碗小面」，餐牌以川菜为主，于是中秋红假当日就去左试试。后来先知原来系红磡一碗小面嘅分店，不过呢边就有小炒，选择多啲。餐厅都系小店形式，不过位置都阔落，唔会话背贴背，中午时份，人流唔算好多，直接入座。虽然系川菜，但睇店面装潢都几新式，走文青路线。餐牌供应凉菜、面食、小炒等，面食嘅价钱还好，但凉菜小炒都唔平，定价$48-158，未知系咪份量颇多。本来想点我最钟意嘅酸辣粉，不过见到定价$42，还是决定点其他，怕自己点了会心理唔平衡，因为平常食开嘅酸辣粉都不过二十零蚊。口水鸡 $48虽然只碟睇落就好细，不过鸡有六大件，反而觉得几好食。花雕酒嘅味道都几香而浓，鸡件肉多骨少，唔会太辣水煮牛肉薯粉 $78水煮牛肉面我就转左做薯粉，原来呢度用嘅系扁身薯粉。以个人认知，就系其实好多超市都买得到，一饼饼面𠮶种，上枱时都几难夹开，其实面条系痴到实哂。口感相对冇咁烟韧，类似透明河粉，纯粹
餐厅都系小店形式，不过位置都阔落，唔会话背贴背，中午时份，人流唔算好多，直接入座。虽然系川菜，但睇店面装潢都几新式，走文青路线。餐牌供应凉菜、面食、小炒等，面食嘅价钱还好，但凉菜小炒都唔平，定价$48-158，未知系咪份量颇多。本来想点我最钟意嘅酸辣粉，不过见到定价$42，还是决定点其他，怕自己点了会心理唔平衡，因为平常食开嘅酸辣粉都不过二十零蚊。
口水鸡 $48
虽然只碟睇落就好细，不过鸡有六大件，反而觉得几好食。
花雕酒嘅味道都几香而浓，鸡件肉多骨少，唔会太辣
水煮牛肉薯粉 $78
水煮牛肉面我就转左做薯粉，原来呢度用嘅系扁身薯粉。以个人认知，就系其实好多超市都买得到，一饼饼面𠮶种，上枱时都几难夹开，其实面条系痴到实哂。口感相对冇咁烟韧，类似透明河粉，纯粹个人口味，比较钟意圆形薯粉。
牛肉加入大量京葱去炒过，食落都唔会好韧或者好老，我就觉得唔够嫩腍，好似平时炒牛河咁偏碎硬。
汤底几重口味，见到有唔少花椒，亦都比较油腻。虽然我点左少辣，其实辣度一般，反而带少少麻。
接近八十蚊但呢个质素，个人认为有点唔值，我宁愿去食碗牛肉面满足啲
肥肠炸酱面 $57
因为第一次黎，未知辣度如何，点左少辣试试，辣度一般，汤底后续有带啲啲麻，食得辣嘅朋友可点中辣起标。
面质有啲似上海面，所以相机食先不能太长时间，否则会浸腍。面嘅份量颇多，接近六十蚊都唔太抵食，胜在食得饱。
炸酱以肉碎为主，严格黎讲称唔上系一个酱。肥肠大约有六至七件，炆得腍身，冇乜嚼头，入口几乎溶咁济，味道方面卤水都几香。
不过男朋友因为呢碗面都屙左两至三日，唔知咩原因啦
自制洛神花茶 $22
饮品选择唔多，点洛神花茶比较淡，唔酸唔咸，叫做食完辣野沟淡下，廿二蚊就唔太值。
整体黎讲，呢餐饭连加一二百几蚊，食物水准同价钱唔太相符，好多川菜面店都做得比佢好食。
一路食一路觉得贵贵地，兼且有少少后悔，毕竟呢度选择多，花同样价钱大概都食到更加回味、值得嘅食店。
张贴
