影片
更多
2018-04-26
1964 浏览
由于有亲友住晌长沙湾，所以，久唔久都走过嚟呢一带，呢区都算喺老区啦，区内旧唐楼极多。不过，随着市区重建，附近几幢嘅「喜」字头嘅新楼以及苏屋村陆续落成、入伙，连带顺宁道一带都变化紧，较明显喺多咗唔少餐厅进驻，避开青山道大街平租啲，客源亦相信会多起嚟。其中，较吸引人眼球喺主打以茶入馔嘅「Tea Hub 」，尤其一入夜，灯火通明铺面晌幽静嘅顺宁道就更突出。全店一室雪白，木地板再衬以浅木系枱櫈，加上高楼底，墙上及天花添上少少摆设，一派文青小清新嘅格局，从外面望入去已有一份简约通透感，确让人有份悠然慢活嘅感觉。而门口，两排对立嘅高脚枱櫈，喺轻松坐低饮杯嘢嘅打卡位，对出门外嘅街景，喺一幅幅活生生街坊嘅生活写照。再者，对面仲喺得几层高嘅旧唐楼，经过嘅街坊又多数喺「老」友记，细看似喺时空霎时凝住嘅70年代场景。餐厅喺采自助形式，先到收银处落单，再由店员将食物送上。晌落单时，已番意到柜枱位刻意设计成一间「小木屋」，贯彻店名嘅精神，煞有心思。既然喺自助形式，餐巾、清水、调味料就得要自己动手攞，不过，嚟得依类小店，服务自助喺绝唔介意。况且，餐厅唔收加一服务费，就更应该自己动吓手脚啦。但基本上，如唔喺太多客人
全店一室雪白，木地板再衬以浅木系枱櫈，加上高楼底，墙上及天花添上少少摆设，一派文青小清新嘅格局，从外面望入去已有一份简约通透感，确让人有份悠然慢活嘅感觉。
而门口，两排对立嘅高脚枱櫈，喺轻松坐低饮杯嘢嘅打卡位，对出门外嘅街景，喺一幅幅活生生街坊嘅生活写照。
再者，对面仲喺得几层高嘅旧唐楼，经过嘅街坊又多数喺「老」友记，细看似喺时空霎时凝住嘅70年代场景。
餐厅喺采自助形式，先到收银处落单，再由店员将食物送上。晌落单时，已番意到柜枱位刻意设计成一间「小木屋」，贯彻店名嘅精神，煞有心思。
既然喺自助形式，餐巾、清水、调味料就得要自己动手攞，不过，嚟得依类小店，服务自助喺绝唔介意。况且，餐厅唔收加一服务费，就更应该自己动吓手脚啦。但基本上，如唔喺太多客人，店员都乐意帮你拎埋。
此外，作为一家茶品小店，茶叶嘅相关产品自然唔少得，如茶叶、茶饼、茶壶及茶杯……等等。
但不得不提，店家嘅营业时间喺超「刁钻」，有心想嚟试，就先留意吓佢咩日子、钟数开门，免得摸门钉。
餐牌第一版就喺主打嘅「茶食套餐」（$78），相当划算嘅套餐，因为无注明时间，理解为全日都有供应。包前菜，而主食喺以茶入馔嘅茶渍饭、茶汤面或茶汤冷面，配以自选两款𩠌料（4拣2），同样跟茶有关，再奉送指定餐饮一杯，亦可选取其他，过额先要补钱而已。
除「茶食套餐」之外，另一款有卖嘅套餐就喺「蛋糕套餐」，一款精选蛋糕加一杯$35以下饮品，只卖$58，同样无讲明咩时间供应，相信全日都有供应。
此外，后面并有一版「轻食Light Meal」嘅餐单，有多款三文治包类及比利时窝夫提供，如想配一杯饮品，有减$8优惠，想食得轻怡啲都有得拣。
其后，就喺店家嘅亮点产品，各式各样嘅花草茶、并配花茶、特色茶、不同地区嘅纯茶茶饮。
山渣洛神花茶（套餐）点咗两客茶食套餐，制作需时，故先嚟餐饮。老婆拣山渣洛神花茶，贪佢开胃健康，有咩效用就唔多讲，上网一查就知，难得杯花茶无过酸嘅问题，饮一口已好醒神。
有气荔枝蝶豆花茶 +$6天气转热，我就拣杯冻冻哋嘅有气荔枝蝶豆花茶，蝶豆花类嘅饮品非第一次，所以，对佢会变色嘅「特效」一啲都唔陌生。店定亦好好安排，将荔枝梳打跟蝶豆花分开上，先让人饮一口蝶豆花茶喺咩味，其实味道唔重，只喺有少少草香味。
再将蝶豆花茶慢慢倒入荔枝梳打，花茶即时由蓝变紫，非常梦幻吸晴，当然，入口主要都喺荔枝嘅清香味，绝对唔会怪怪哋。
有气荔枝蝶豆花茶
14 浏览
0 赞好
0 留言
先嚟喺老婆嘅套餐，佢偏素，所以，𩠌料都好自然拣杂菇同豆腐，前菜则选上蔬菜沙律。
茶汤面配茉莉花豆腐、乌龙茶杂菇
$78
36 浏览
0 赞好
0 留言
细细碗嘅沙律菜，简单淋上油醋而已，肯定无咩特别，胜在食材新鲜，咬落「索索声」。
茶汤面既然叫得「茶汤」，就梗喺加入茶味元素，就喺乌龙茶，配以昆布、鲣鱼去做，由于茶味淡淡，所以，都唔会觉得好古怪，而面条幼细丝滑，口感好好。
茉莉花豆腐、乌龙茶杂菇杂菇计有冬菇、秀珍菇及、鸡脾菇，简单以乌龙茶叶清炒，不过，始终啲菇菌本身有一定嘅香味，所以，乌龙茶嘅味道唔会话好突出。而啲豆腐煎得皮脆金黄，入口却喺十分嫩滑富豆香，茉莉花嘅香味较为清香淡雅，所以，整体感觉轻怡。
茶渍饭配柚子煎茶鸡翼、香茅姜茶脆鱼块继而喺上小弟嘅茶食套餐，既然主食嘅𩠌料共4款选择，佢拣咗两款素嘅，我就拣余下两款嘅鱼脆及鸡翼。
茶渍饭配柚子煎茶鸡翼、香茅姜茶脆鱼块
$78
20 浏览
0 赞好
0 留言
比起个蔬菜沙律，另一款前菜车厘茄就有啲卖点，去晒皮嘅车厘茄利用洛神花去增加一份酸香味，入口凉凉哋，好清爽。
冰镇洛神花车厘茄
32 浏览
0 赞好
0 留言
茶汤以日系小茶壶盛载，再自行倒入饭内，感觉会更好玩，而饭粒分明，亦明显煮得硬少少，捞埋茶汤一起食，小弟就觉得口感啱啱好，茶汤带点咸香，恰到好处。
柚子煎茶鸡翼、香茅姜茶脆鱼块香茅姜茶作为茶饮都不足为奇，但用嚟炮制菜又颇有心思，为咗保持啲鱼块够脆口，个香茅姜茶汁以小罂另上，尽见细节位。而鱼块唔单单粉浆薄，且脆口嫩滑，个汁仲带少少橙香，喺嫌香茅味薄咗啲，但件鱼块入口喺完全无油腻感。而鸡翼外观煎得金黄焦香，咬落皮脆肉滑，而柚子味道非常突出，反而，煎茶味嘅效果唔明显，要睇睇点改善令佢变得更有「茶」香，否则跟一般蜜糖鸡翼无分别。
食完个茶食套餐，两公婆仲有啲位，一于追加甜品，除蛋糕套餐，就只有散点，无加配蛋糕嘅优惠。而蛋糕款式就放晒晌饼柜，是日就有豆腐芝麻芝士蛋糕、抹茶榛子朱古力蛋糕、蜜糖苹果芝士蛋糕及百利咖啡酒芝士蛋糕，款款都卖$32，唔算贵，而且，更以胶盖冚实，卫生又能保存新鲜度，减少干化，小弟都算晌啲咖啡店食饼无数，见唔少店就咁放入冻柜雪到干晒。
除饼柜嘅几款蛋糕，原来仲有「自家制」戚风蛋糕，点解强调自家制，因为店员好老实咁讲蛋糕喺托朋友做，而戚风蛋糕喺晌店内做，新鲜度自然无得输。既然喺咁，就试试一款芝士饼及一客戚风蛋糕吧！
豆腐芝麻芝士蛋糕 $32虽然话喺托朋友做，但水准绝不失礼，可媲美酒店嘅级数。好欣赏佢消化饼底层做得够薄，所以，入口十分松化；再上一层嘅豆腐芝士口感软熟，有豆腐嘅香味，又带少少芝士咸香；顶层嘅芝麻慕丝口感幼滑且芝麻香气十足，老婆激赞，所以，卖$32确喺抵食。不过，如果啲蛋糕能加入多啲「茶」嘅元素就更贴合餐厅嘅路线。
豆腐芝麻芝士蛋糕
$32
44 浏览
0 赞好
0 留言
抹茶戚风蛋糕 $55卖到$55一客确喺唔平，过江龙「La Famille」嘅戚风蛋糕都喺卖四十零蚊左右，但食落都会觉得物有所值。是夜，剩番抹茶口味，个戚风蛋糕颇大个，装饰完一轮先上碟，配上红豆、抹茶威化薄脆，洒上抹茶粉及糖霜，所以，外观份外靓仔。蛋糕嘅回弹力强，口感轻盈，茶味幽香，中心嘅忌廉打得超轻怡，质感柔滑，实在具水准。
抹茶戚风蛋糕
$55
36 浏览
0 赞好
0 留言
食过两件甜品后，就真喺满足晒咁离开。离开时，其实都唔喺好夜，只喺八点左右，周边嘅铺头都闩晒门，只剩下几家食店，感觉好宁静，更有份慢活嘅感觉！
张贴
