Outdark (飛達商業中心)

营业中

休息中

店内环境浪漫抬头星夜满天，场景令人放松心情食过痛快，加上韩食美味价钱合理，真心食多几次都唔会厌。香蒜蜜糖炸鸡(半份) $118 半份六件鸡二人食份量刚好，鸡肉嫩有汁，鸡皮炸得好脆，无骨啖啖肉好满足。蒜香味唔系好重，蜜糖甜甜地好易入口。仲有薯条薯角香脆不油腻，唔错。海鲜煎饼 $118 煎饼口感脆卜卜，好多馅料有虾、鱿鱼和大量青椒红椒丝洋葱丝，煎得香口美味。炸虾饭卷 $88 饭卷包得扎实，味道丰富，黄瓜爽口炸虾香脆，饭里有沙律酱食得更滋味。Blueberry Smoothie $45 饮落蓝莓味特别浓郁，加上乳酸味道酸甜，绵密奶昔口感，无混入沙冰坚足料，耐了味道口感一致，好好饮。Mango Ade (Non-Alcohol) $35算系青柠薄荷梳打加芒果蓉，味道清新少少酸甜好香芒果味，都唔错的。