大公雞 (已結業)

今个星期六肥妹仔要返工，不过好彩可以放十一点半，所以就约咗同事去附近嘅一间台式餐厅食午餐。杂锦红烧手工面  $68呢一碗杂锦红烧手工面有超级多配料，有牛筋，牛肚，牛腩同大肠，配上酸菜，真系未食都已经觉得好丰富。佢嘅牛筋同牛肚煮到非常软淋，几乎系入口即溶，而牛腩口感结实， 比较有咬口。 佢嘅红烧汤底做得非常出色，有一阵药材嘅味道，面条系属于厚身同粗身𠮶一种，非常有咬口。士林半筋半腩饭  $76呢一个半筋半腩饭系肥妹仔嘅同事叫嘅，佢嘅评语就系呢一个半筋半腩饭好好食，牛筋煮到非常软淋，牛腩肉煮得好入味，饭粒口感分明，个酱汁亦唔错。台湾小香肠  $32台湾嘅香肠不嬲肥妹仔我都好钟意食。呢一个小香肠亦都冇令肥妹仔失望，外皮觉得脆口，入面就好香猪肉味，连埋蒜头一齐食好惹味。冻奶盖乌龙茶  $20肥妹仔我就叫咗一杯冻奶盖乌龙茶，奶盖有淡淡芝士味，乌龙茶就几清甜。冻芝士奶盖珍珠奶茶又系肥妹仔嘅至爱!佢嘅珍珠奶茶冲得不错，珍珠烟烟靭靭。