芝露小甜 (已結業)

本来想去食吉野家，但好多人冇位唔想等，醒起楼下有间饼店开左就黎试下。得两台客，地方细，感觉焗束。点左一个薄饼和焗罗司粉，然后坐定定用手机上黎睇下食评，睇左前几位既劣评真有点担心…最先到白汤，几浓，味道一般，差过金宝汤小小，都收货啦。然后到薄饼，新鲜出炉，太热食唔到，老实讲新鲜出炉只要用料唔太差实好食既。最后到焗罗司粉，又系热到飞起，仲听到芝士溶紧支支声…味道用料都算合格。餐饮冻柠茶，系一杯正常既冻柠茶，唔会太甜，我成杯糖浆倒晒落去，扮高级糖奶分开上。整体环境和食味都合格既，但没有惊喜。星期六晚唔洗排队食饭算系咁喇，如果要等位，一定会期望有好野食，就会有失望。