影片
更多
2009-05-17
5 浏览
星期六收咗工，无特别事搞，悠悠闲闲咁，老婆提议上花园餐厅食晏，我都耐无去港式西餐厅，所以都乐于去食番个晏仔！入到去感觉几好，因为地方够大，枱凳排得宽敞，唔迫夹，一室米色色系，加上唔太夸张嘅水晶吊灯同一列玻璃窗透入嘅阳光，整体上使人觉得精神抖擞。再者，系星期六嘅下午，唔似平日坐满打工一族，客人唔太多，觉得空间更大！因为依个时间客人唔多嘅关系，所以，相对侍应嘅服务比较到位，唔会揾极都无人招呼你！拣好个窗边大卡位，坐低睇睇午餐食乜先！话明系港式西餐厅，午餐都系例牌嘅红白汤、鸡牛猪排跟饭意粉或薯菜、咖啡或茶！虽然系咁例牌，但一样要好食至做得住！先嚟个罗宋汤跟餐包，唔错，前者就材料十足，后者就和暖松软，系最衰旧牛油硬到死，都唔知点解10间港式餐厅就10间嘅牛油都「硬掘掘」，点解唔可以摆定D出哩「解冻」先！主菜，小弟拣咗个焗芝士蕃茄猪扒意大利粉，老婆就点咗个西冷牛扒跟薯菜，前者意粉稍为削咗少少，猪扒整得都松化，系个汁有D「意外」，睇个名都以为系蕃茄汁底，嚟到睇到竟然系鸳鸯汁底，一边白汁，一边蕃茄汁，真系搞鬼，幸好个蕃茄汁都做得OK，又有大大旧蕃茄肉同车厘茄，好醒胃！而后者个西冷牛扒无甚意外，肉质唔
拣好个窗边大卡位，坐低睇睇午餐食乜先！话明系港式西餐厅，午餐都系例牌嘅红白汤、鸡牛猪排跟饭意粉或薯菜、咖啡或茶！虽然系咁例牌，但一样要好食至做得住！先嚟个罗宋汤跟餐包，唔错，前者就材料十足，后者就和暖松软，系最衰旧牛油硬到死，都唔知点解10间港式餐厅就10间嘅牛油都「硬掘掘」，点解唔可以摆定D出哩「解冻」先！主菜，小弟拣咗个焗芝士蕃茄猪扒意大利粉，老婆就点咗个西冷牛扒跟薯菜，前者意粉稍为削咗少少，猪扒整得都松化，系个汁有D「意外」，睇个名都以为系蕃茄汁底，嚟到睇到竟然系鸳鸯汁底，一边白汁，一边蕃茄汁，真系搞鬼，幸好个蕃茄汁都做得OK，又有大大旧蕃茄肉同车厘茄，好醒胃！而后者个西冷牛扒无甚意外，肉质唔韧，够平稳，唯最钟意旧式波浪纹粗炸薯条，又系港式快餐店的回忆！最后，香浓咖啡作结，人生就是如此，好多嘢都例牌咁发生，日复日，年复年，但其中又会有D意外嘅事走咗出嚟，可能系惊，可能系喜，过去咗又返番D平稳的日子，就系咁往往带俾你好多嘅回忆，系你所怀念嘅回忆！
张贴
