Vivere

营业中

休息中

铜锣湾vivere嘅环境真系几舒服。餐厅有大玻璃，食饭嘅时候可以望到维港嘅靓景，星期日过嚟chill吓，真系一流。我哋首先叫咗柚子汁牛肉他他做前菜，牛肉他他配上柚子汁，味道出乎意料咁夹，仲有脆卜卜嘅薄脆片，一齐食口感好丰富。之后我哋试咗24个月熟成巴马火腿配流心水牛芝士，𠮶个Burrata芝士真系好滑，好香浓，完全系芝士迷嘅福音。炸软壳蟹真系外脆内软，肉质嫩滑，好香嘅蟹味。串烧方面我哋叫咗几款，包括牛舌心、免治鸡软骨串配日本蛋、烧鳝同翠玉瓜。呢几样串烧真系冇得输，外脆内软，火喉掌握得啱啱好，特别系牛舌心同翠玉瓜，咬落去仲系Juicy，免治鸡软骨串配埋日本蛋都系非常香浓，味道好丰富。主菜我哋叫咗虎虾冬阴功扁意粉，虎虾大大只，肉质弹牙，冬阴功嘅汤底酸辣得嚟好惹味，同意粉一齐食，真系停唔到口。最后叫咗一杯冻Latte同冻Cappuccino，咖啡嘅质素唔输蚀，整体嚟讲，呢度真系一个值得推介嘅chill食西餐嘅好地方。