屋台屋 (已結業)

因为未食早餐既关系，今次我食左好大碗面呀。每个人都系叫左一个套餐，朋友系食手打乌冬+鱼生饭，而我就系食煎鹅肝+蕃茄杂菜汤面。可能系街坊生意啦，真系大件夹抵食。听讲以前系真系有好多日本食客架，不过而家反而系香港人黎食多，所以好多野食都港式化。前菜系车厘茄，ok啦，无咩特别但都新鲜。朋友既手打鸟冬做得唔错，够弹牙。我个牛鹅肝煎左好耐呀，所以出黎煎到两面都有少少脓，好甘香。个三文鱼生饭既份量少少地，朋友都可以全部食晒架，我始终系三文鱼子既忠实粉丝所以吸引唔到我啦。因为天气都少少热，所以好想食好多蕃茄，呢碗汤面大到呢，汤汁充满左蕃茄味，引唔住都要饮左几啖，碗汤胜左菜多。