影片
更多
2020-05-26
703 浏览
呢间酒楼主攻中西式婚宴市场👰所以食物定价为中上水平。今次悲伤小姐就拣咗$318/位嘅午市行政套餐，既可以每样试到少少，又可以悭番时间谂食咩😁💗点心拼盘4款点心包括：🦐虾饺嘅水晶皮都算薄，里面啖啖虾肉，配上爽脆笋粒，食落弹牙鲜甜。🍄烧卖包咗偏瘦嘅猪肉，冇咁肥淋淋，仲有弹牙嘅虾仁同冬菇粒，咬落爽口鲜滑。🥟潮州粉果内馅有猪肉碎、虾米、沙葛、菜脯等，非常有口感，而外皮亦口感烟韧🍰谷麦糕口感有d似白糖糕，软糯得嚟好有弹性，食落带微微白糖嘅清甜，但燕麦味就较淡。💗烧味拼盘🥓明炉叉烧肥瘦适中，入口软腍，食落肉味香浓，带蜜汁香甜。🐷烧腩仔，外皮香脆，三层肉肥瘦分明，唔会肥腻，味道咸香d就更好。🌶凉拌海蜇，口感够哂爽口弹牙， 带淡淡嘅麻油同香辣。💗丰料老火汤猴头菇雪耳红萝卜猪骨汤🍲性平味甘，有健脾养胃功效，适合所有人士饮。汤料非常充足，所以饮落特别清甜唔燥热，完全冇味精，而且清澈唔油，连汤渣都好好食🥕💗杭州香醋一口骨排骨炸至外皮香脆，内里肉质少油脂但唔会硬，鲜嫩肉味浓🍖挂上浓稠嘅香醋汁，拉起有拔丝嘅感觉，香醋汁唔会过份呛口，带醇香嘅甘味，酸甜比例平均，食落非常开胃，仲伴有炸姜丝减低油腻感😋💗干隆石锅炒饭
💗点心拼盘
4款点心包括：
🦐虾饺嘅水晶皮都算薄，里面啖啖虾肉，配上爽脆笋粒，食落弹牙鲜甜。
🍄烧卖包咗偏瘦嘅猪肉，冇咁肥淋淋，仲有弹牙嘅虾仁同冬菇粒，咬落爽口鲜滑。
🥟潮州粉果内馅有猪肉碎、虾米、沙葛、菜脯等，非常有口感，而外皮亦口感烟韧
🍰谷麦糕口感有d似白糖糕，软糯得嚟好有弹性，食落带微微白糖嘅清甜，但燕麦味就较淡。
点心拼盘
21 浏览
0 赞好
0 留言
💗烧味拼盘
🥓明炉叉烧肥瘦适中，入口软腍，食落肉味香浓，带蜜汁香甜。
🐷烧腩仔，外皮香脆，三层肉肥瘦分明，唔会肥腻，味道咸香d就更好。
🌶凉拌海蜇，口感够哂爽口弹牙， 带淡淡嘅麻油同香辣。
烧味拼盘
40 浏览
0 赞好
0 留言
💗丰料老火汤
猴头菇雪耳红萝卜猪骨汤🍲性平味甘，有健脾养胃功效，适合所有人士饮。汤料非常充足，所以饮落特别清甜唔燥热，完全冇味精，而且清澈唔油，连汤渣都好好食🥕
猴头菇雪耳红萝卜猪骨汤
23 浏览
0 赞好
0 留言
💗杭州香醋一口骨
排骨炸至外皮香脆，内里肉质少油脂但唔会硬，鲜嫩肉味浓🍖挂上浓稠嘅香醋汁，拉起有拔丝嘅感觉，香醋汁唔会过份呛口，带醇香嘅甘味，酸甜比例平均，食落非常开胃，仲伴有炸姜丝减低油腻感😋
杭州香醋一口骨
24 浏览
0 赞好
0 留言
💗干隆石锅炒饭
以石锅上枱，除咗保持热辣辣外，底下仲结成饭焦，食落焦香同脆卜卜。炒饭够哂火喉同镬气，饭粒分明入口，干爽唔油腻。加上非常足料嘅带子粒、瑶柱丝、翠肉瓜粒同葱花🥒令到整个饭富有口感同鲜味 。酱汁均衡入味，香口惹味🍚
干隆石锅炒饭
22 浏览
0 赞好
0 留言
💗精选甜品
陈皮红豆沙煲至浓稠，搞到底都唔会变水。红豆大大粒好圆润，预先浸得够透，食落好绵滑。汤水重红豆味，带微微果皮香，中和整体香甜度🥣
陈皮红豆沙
24 浏览
0 赞好
0 留言
张贴
