影片
更多
2014-05-14
4481 浏览
老友逃离魔掌转新工，话要贺一贺㖞，当然要高兴吓啦 ，去边度食好？既然贺老友，梗喺由佢作主，佢想去边度咪就边度啰。估唔到，拣咗大角咀九龙珀丽酒店嘅星域酒廊Skyzone，话开扬通爽、景观壮阔 ，小弟都甚少出入酒廊，仲要喺酒店嘅酒廊添，今次又可开开眼界 。其实铜锣湾香港珀丽酒店嘅星域都帮衬过，睇番食评，原来已经喺2010年中嘅事，当日所食嘅精选晚餐，真喺有水准，唔知依间星域又如何？不过，环境方面就绝对好过港岛嘅星域。位处酒店30/F嘅星域酒廊，一步出电梯就喺酒廊范围，楼底颇高，布局则跟一般酒廊无异，但灯光就比较光猛啲；主色以黑白配衬，大部份都喺高脚枱櫈，而全黑波浪纹天花令环境破格一啲，唔会太沉闲。店内亦设有大电视，可欣赏足球直播 。然而，酒廊最大卖点，莫过于室外嘅露天用餐区。由于大角咀都喺处于逐步再发展阶段，高楼大厦并未喺好多，所以，正如老友所言：开扬通爽、景观壮阔。而且，一边对外「墙身」喺半身落地玻璃，更让人有种居高临下嘅感觉 。虽然周遭主要都喺住宅，以及一些矮小嘅旧楼，唔及中环好似曼哈顿商厦林立夜景咁养眼，但新旧对立，有份见证转变嘅惰怀，喺另一番情趣。唯一唔好喺全部露天位置都
其实铜锣湾香港珀丽酒店嘅星域都帮衬过，睇番食评，原来已经喺2010年中嘅事，当日所食嘅精选晚餐，真喺有水准，唔知依间星域又如何？不过，环境方面就绝对好过港岛嘅星域。位处酒店30/F嘅星域酒廊，一步出电梯就喺酒廊范围，楼底颇高，布局则跟一般酒廊无异，但灯光就比较光猛啲；主色以黑白配衬，大部份都喺高脚枱櫈，而全黑波浪纹天花令环境破格一啲，唔会太沉闲。店内亦设有大电视，可欣赏足球直播 。
然而，酒廊最大卖点，莫过于室外嘅露天用餐区。由于大角咀都喺处于逐步再发展阶段，高楼大厦并未喺好多，所以，正如老友所言：开扬通爽、景观壮阔。而且，一边对外「墙身」喺半身落地玻璃，更让人有种居高临下嘅感觉 。
虽然周遭主要都喺住宅，以及一些矮小嘅旧楼，唔及中环好似曼哈顿商厦林立夜景咁养眼，但新旧对立，有份见证转变嘅惰怀，喺另一番情趣。唯一唔好喺全部露天位置都喺可吸烟区域，对一啲非吸烟人士会有啲不便。
爆谷 $10食得多花生、果仁，来一客爆谷亦唔错，难得咬落脆卜卜。当然，小食仍然有薯片或花生可拣！
餐牌以真皮硬面制作，印有店舖名字，有种格调感。既然喺酒廊，酒类饮品必不可少，有唔同国家出产嘅白酒、红酒，其他烈酒、啤酒都一应俱全，为顾及唔能够饮酒人士，汽水、果汁、咖啡茶亦有供应。
此外，喜欢饮得特别嘅客人，鸡尾酒应该喺你嘅心水，想试又唔饮得酒点算，放心，无酒精鸡尾酒Mocktail一样有得拣 ！店员话，假若餐牌无列出想饮嘅嘢，都可以提出，要是做得到，酒保都会尽量满足客人。
Apple Mojito $52（Happy Hour）/ $78（Regular）主要以苹果糖浆、鲜青柠汁及梳打水沟成，再加块新鲜薄荷叶做装饰，外观非常清爽。朋友话入口极之凉快，饮落感觉爽朗，可谓闷气全消。不过，欢乐时光只喺5:00-7:00pm，对我依啲写字楼打工族，实在太短。
Virgin Night $48（Happy Hour）/ $72（Regular）外型较似一杯精鸡尾，不过，就绝无酒精，只喺包含新鲜士多啤梨、番石榴汁及石榴糖浆，朋友形容，入口清甜带少少微酸。
Chocolate Kiss $58（Happy Hour）/ $75（Regular）我哋几杯当中，唯一一杯含酒精饮品。其实，星域嘅精鸡尾都分两大类，一种喺常见嘅，如Long Island、Pina Colada，另一种喺所谓Skyzone Special Cocktails，依杯Chocolate Kiss就喺其一。百利咖啡甜酒加可可甜酒，酒精度唔算高，撞入鲜奶，唧上忌廉装饰，朋友觉得几有趣嘅味道。
Golden Delight $48（Happy Hour）/ $72（Regular）有芒果汁及菠萝汁两款心水果汁，成为小弟不二之选，Golden Delight喺以芒果汁、橙汁、菠萝汁沟成，鲜甜浓郁，以芒果味较突出 。
翻翻餐牌睇睇有咩选择，其实始终喺酒廊，食物选择唔算多，有好几款美食配酒嘅「套餐」组合，睇落定价唔贵。如果想食得饱肚啲，有个二人用嘅烧烤拼盘；纯粹送吓酒，食吓小食，一系列烧烤小食都喺唔错嘅选择 。不过，最有趣喺，竟然有甜品提供，仲要唔喺一、两款，认真意料之外，啱啱我哋几个都喺嗜甜之人，点可以唔强攻一下 。
炸鱼薯条（Fish and Chips）+两杯大生啤 $198 对饮得啤酒嘅人嚟讲，真喺好抵，两杯大生啤（500ml）单售正价都要成$70-$85，个炸鱼薯条差唔多半送半卖 ，如果唔好啤酒都OK，可以转汽水或果汁，果汁正价都要成五十几蚊杯架。话佢抵，都唔喺单讲因为配两杯大生啤，仲有就喺份炸鱼薯条一啲都无交行货，3大件炸鱼甚有睇头，脆浆做得够薄，入口甘香松脆，鱼柳食落唔似平价货，嫩滑鲜美，入口有质感，蘸点个自家制嘅他他汁，变得再轻怡啲 ；垫底嘅直身薯条，新鲜炸起，热辣香口，沾茄酱或他他汁都好食；最得意喺用一个疑似印度薄饼包Naan bread嚟载住啲炸鱼薯条，个薄饼包少少脆，食落似饼干多啲。
西班牙小食（Tapas）+ 西班牙葡萄红酒或白酒 $148 同样，唔要红白酒，亦可改汽水或果汁。一客共有3样小食：西班牙辣肉肠、蒜片虎虾、风干火腿卷露笋，除咗虾得3件，其余两样都有4件。西班牙辣肉肠霎眼望埋去，有少少似中式嘅红肠，不过，较为油润，而且，味道咸辣；而虎虾有别一向所见嘅大大只，依家眼前嘅虎虾就细一个码，但肉质几爽弹，好香蒜味；风干火腿卷露笋，火腿虽唔知几多个月熟成，但入口油香，露笋又爽脆，两者甚匹配 。伴碟仲有少少青橄榄同黑橄榄，净食当然颇咸啦，一粒一啖酒，相信会几过瘾。
烧烤拼盘（Mixed Grill Set）$388 烧烤拼盘以圆形铁板烧形式呈送，下面仲加添火酒膏热住嚟食。拼盘份量十足，但因为拼盘为二人份，所以多以两件为单位，有珍宝带子2只、烧大虾2只、烧猪脾2枝、牛柳2件、台湾肠2条、鸡翼4只及烤薯角同少少配菜。整体嚟讲用料不赖，带子大只鲜甜，烧大虾爽口有虾味，烧猪脾咸香惹味，牛柳软腍富肉汁，台湾肠皮脆肉质挺身，鸡翼亦烧得甘香焦脆，薯角也粉腍薯味浓 。
其实，个拼盘仲跟个三色酱：法式芥辣、英式芥辣、泰式酸辣酱，无特别点衬法，可按个人喜好想点就点，唔使拘束。
最后，轮到甜品登场，实在无谂过晌酒廊会狂扫咁多甜品。其实，餐牌所示一共有6款甜品供应，但我哋虽然只得4个人，但已叫咗其中3款，都咪话唔犀利，因为，其中一款火焰雪山更喺二人份量嘅甜品嚟 。
榛子心太软配香草雪糕 $88心太软外型做得麻麻哋，虽然个蛋糕有榛子香，又有浓浓朱古力味，可惜流心效果一般 ，对整脏味道无话太大影响，但欠缺视觉效果就总喺若有所失；碟底仲加咗好多云呢嗱汁，见有云呢嗱籽，就知用料有心，个汁几有云呢嗱香，至于个香草雪糕（即喺云呢嗱），好唔好食都只不过喺其次。
法式芒果班戟 $88 一客两件芒果班戟，加埋士多啤梨、芒果、红桑子作为装饰，一红一黄，卖相的确几靓几抢眼。个班戟做得好薄，边位仲有少少焦脆，一切开已见到厚厚芒果肉，些少吉士，香滑滋味 。
火焰雪山配新鲜水果 $128 今晚嘅重点甜品，就喺依道怀旧「火焰雪山」，大大只长碟感觉已够晒大阵仗，再由店长倒酒点火，一时间火光熊熊，尤其晌咁幽暗环境，效果更突出，自然反应就喺即时影唔停 。外层嘅蛋白本身已轻烤过，再经过火烧洗礼，既脆而带点焦香味，咬莴又有种烟韧口感；中间嘅雪糕喺朱古力同士多啤梨味，又夹咗两层蛋糕，冰冻挺实，好好味唔算得，但感觉喺食一种情怀 。
温馨提示，店方设最低消费，每位$88 + 10% ，但环境开扬，感觉舒适，而定价相宜（若果我哋唔喺因为好想试佢啲鸡尾酒，以及点咗咁多甜品，平均消费应该唔使咁高），同几个朋友坐低，饮吓嘢，倾吓偈，又确实几爽几唔错㖞！在此，祝愿老友转咗新工，晌新环境可大展拳脚，一展所长 ！
张贴
