影片
更多
2010-06-06
118 浏览
好多人都会觉得食汉堡等如食快餐，但我觉得如果可以安坐舒适环境，细味品尝一下高质素嘅汉堡，感觉绝对唔会输蚀比去高级扒房锯扒。位于尖沙咀海运大厦入面，跟BLT Steak同一集团嘅BLT Burger，餐厅采用欧陆式设计，正好为大家带来一个慢慢叹汉堡嘅好地方，而且我今次更喺呢度有意外发现添...Austrian Wagyu Combos ($168) - 用上来自澳洲宁哥鲁农场（Ningaloo Farm）顶级和牛制成，由于产量极少，所以特别矜贵。每块和牛约重7安士，绝对够晒份量，口感一流。而跟餐嘅炸薯格用Idaho薯制成，热辣辣，香喷喷，好好味～正！除左牛肉，面包本身同配菜都好俾心机去做，绝对唔马虎。据讲面包系每日新鲜制造无隔夜，所以特别松软好味。值得一提系洋葱，好少食到咁好味咁新鲜，大家不妨拎一块出黎净咬，感受下呢种田园感觉...黎到当然要试下呢度signature - BLT Burger Combo ($148)，每块汉堡扒重6安士，加埋双层烟肉，生菜同蕃茄，仲有秘制酱汁而炮制，食落每种味道都好突出，但又唔会掩盖到汉堡扒嘅肉味，食落令人雀跃兴奋！呢块汉堡扒有咩特别？原来系采用获美国
Austrian Wagyu Combos ($168) - 用上来自澳洲宁哥鲁农场（Ningaloo Farm）顶级和牛制成，由于产量极少，所以特别矜贵。每块和牛约重7安士，绝对够晒份量，口感一流。而跟餐嘅炸薯格用Idaho薯制成，热辣辣，香喷喷，好好味～正！
除左牛肉，面包本身同配菜都好俾心机去做，绝对唔马虎。据讲面包系每日新鲜制造无隔夜，所以特别松软好味。值得一提系洋葱，好少食到咁好味咁新鲜，大家不妨拎一块出黎净咬，感受下呢种田园感觉...
黎到当然要试下呢度signature - BLT Burger Combo ($148)，每块汉堡扒重6安士，加埋双层烟肉，生菜同蕃茄，仲有秘制酱汁而炮制，食落每种味道都好突出，但又唔会掩盖到汉堡扒嘅肉味，食落令人雀跃兴奋！
呢块汉堡扒有咩特别？原来系采用获美国安格斯牛肉协会认可嘅Black Angus，以八牛肩肉混合牛腰，西冷，牛颈肉同牛肋骨肉等搓成，肉味自然比其他餐厅果啲丰富得多，烧牛肉至medium，再落少少香草同海盐调味，你更可以落单时跟据自己要求唔同牛肉生熟程度，而我就觉得五成熟系最理想喇～！
Combo set当然有饮品，如果唔想饮汽水咖啡的话，可以试下呢度出名嘅Milkshake。今次试嘅系Rocky Road奶昔，散叫要$68真系几贵，跟餐只系加$25就饮到，相对抵好多。朱古力雪糕混入Chocolate Brownie，再打入杏仁粒，上面加埋滑溜嘅忌廉同埋烧过嘅棉花糖粒，朱古力味浓郁到爆晒灯，口感亦好smooth，实在好味到不得了！掂～！
正话一开始，我就话呢度有意外发现...就系Chocolate Cupcake($25)。卖相绝对比满分，底层蛋糕部份好松软，食落朱古力味好浓郁，但又唔会有太甜嘅感觉，绝对推介！另外呢度仲有用上Valrhona朱古力做嘅甜品，似乎就算怕食汉堡嘅女士们，呢度有另一个朱古力天堂等紧你地....
离开餐厅时先知原来Cupcake系可以外卖拎走，款式时时唔同添。除此之外，右手面果只朱古力燕麦曲奇($25)其实几吸引，无奈呢餐食完真系太饱，下次点要黎主攻朱古力甜品！
张贴
