Chop Chop 食神叉燒 (宏安道) (裝修中)

叉烧周围都有得卖，但好食嘅叉烧就唔喺周围都有。香港人食得健康，要有半肥瘦叉烧真系好难揾。锁定依间铺头已有一个月，但见连续两篇食评都一般，所以放弃左。昨天有事要过香港岛，本来打算做完野后去柴湾新x香，但看到食评话最近换咗师傅似乎不错，决定去试一下。开正旗号铺头名叫“食神叉烧”，点可以唔叫叉烧饭呢？卖相果然唔错，唯独是啲汁咸左小小，如果啲叉烧再腍多少少，咁就无敌嘞。另外叫咗咕噜肉饭，献汁甜酸适中，但啲肉就冇乜味，好似冇腌过咁，不过都尚算OK。总括黎讲，各方面都唔错，店员亦有礼貌有效率，店铺装修亦具特色，绝对喺叉烧lover朝圣之地。希望下次去食保持水准，甚至更好啦。